Qazaqstanda ınsýlt pen gepatıtti erte anyqtaý boıynsha jańa zertteý engizildi

ASTANA. KAZINFORM – Densaýlyq saqtaý mınıstrligi josparly emdeýge jatqyzý aldynda konsýltatsııalyq-dıagnostıkalyq qyzmetterdi ońtaılandyrdy, sondaı-aq skrınıngtik baǵdarlamalardy jańǵyrtýdy júrgizdi.

Mınıstrlik málimetinshe, skrınıngtik baǵdarlamalardy jańǵyrtý mynalardy qamtıdy:

- tıimdiligi dáleldengen zertteýler (LPTT, trıglıtserıdter, glıkırlengen gemoglobın);

- zertteýlerde ózgerister bolmaǵan kezde meıirger deńgeıinde skrınıngti aıaqtaý quqyǵyn bere otyryp, mamandardyń negizsiz konsýltatsııalary alynyp tastaldy;

- skrınıngke qatysýshylardyń jasy 76 jasqa deıin ulǵaıtyldy;

- MÁMS sheńberinde eki jylda bir ret jıilikpen 50 jastan asqan erlerdiń arasynda brahıotsefaldyq tamyrlardyń ýltradybystyq skrınıngi engizildi.

2025 jyldyń qyrkúıeginen bastap onkoskrınıngtiń barlyq kezeńderi TMKKK sheńberinde qoljetimdi.

Skrınıngtiń mynadaı túrleri qosymsha keńeıtildi:

- mı qanaınalymynyń erte buzylýyna arnalǵan zertteýler;

- sozylmaly vırýstyq V jáne S gepatıtteri.

2026 jyly ońaltý jáne pallıatıvtik kómek baǵyttaryn qaıta qaraý josparlanǵan.

Aıta keteıik, Qazaqstanda jasandy ıntellekt ınsýlt pen obyrdy erte anyqtaýǵa kómektesedi.

Ulybrıtanııada naýqastarǵa 20 jyl boıy AITV jáne S gepatıtin juqtyrǵandardyń qany quıylǵan.