Qazaqstanda ınsýlındik pompaǵa muqtaj balalar onymen tolyq qamtamasyz etilgen

ASTANA. QazAqparat - Qazaqstanda ınsýlındik pompaǵa muqtaj barlyq balalar onymen qajetti mólsherde qamtamasyz etilgen. Sondaı-aq, qajet bolǵan jaǵdaıda qorda paıdalanylmaǵan jańa pompalar jetkilikti, dep habarlady búgin elimizdiń Densaýlyq saqtaý mınıstrliginiń baspasóz qyzmeti.

Aıta ketý kerek, jańa patsıentterge qajettilik týyndaǵan jaǵdaıda bıýdjet qarajatyna tımeı, jańa qurylǵylardy da satyp alýǵa múmkindik qarastyrylǵan.

Nazar aýdaratyn jaıt - pompalar uzaq merzimge qoıylatyndyqtan (5 jyldan ary) qazirdiń ózinde balalarǵa ony jıi satyp alýdyń qajeti joq.

Buǵan qosa, ambýlatorlyq qamtamasyz etýdiń jańa normatıvtik-quqyqtyq akt jobasy boıynsha ınsýlındik pompa qoıylǵan 18 jasqa deıingi balalarǵa qurylǵyny aýystyrý jáne oǵan ketetin shyǵyndardyń barlyǵy memleket esebinen tegin qarastyrylǵan.