Qazaqstanda ınnovatsııalyq granttar boıynsha ekinshi konkýrsqa ótinimder qabyldaý bastaldy
«Bıyl biz 1-12 aqpan aralyǵynda ınnovatsııalyq granttar berý boıynsha pılottyq baıqaý ótkizgen bolatynbyz. Barlyǵy 661 ótinim túsip, jiti suryptaý men qazylardyń tańdaýynan keıin sońǵy kezeńge tek bes úmitker ǵana ótti: «ForumVR», InTech-Forecast «JQK nysandary úshin IT-baǵdarlama jasaý», «COWMAS – ІQM týraly málimetterdi baqylaý jáne saraptaý», «Smart Termınal» jobasy, «Faceplate». Olarǵa tehnologııalardy kommertsııalandyrýǵa arnalǵan ınnovatsııalyq granttar berý týraly sharttar jasaldy»,-dep jazdy mınıstr.
Pılottyq konkýrstyń nátıjesi boıynsha sarapshylar men grantqa ıe bolǵan kisilerdiń oı-pikirlerin eskere otyryp, áriptester baıqaý sharttaryna ózgerister engizdi. Endi baıqaýǵa qatysam deýshilerde akseleratsııalyq baǵdarlamalardan sátti ótkendigin dáleldeıtin sertıfıkat bolýy tıis. Onyń ústine ekinshi jáne úshinshi kezeńdegi irikteýge qatysý úshin aldymen birinshi satydan ótý shart.
Sondaı-aq qarjylandyrý sharttary da ózgerdi. Birinshi satyny iske asyrýǵa arnalǵan ınnovatsııalyq grant somasy 20 mln teńgeden, al ekinshi jáne úshinshi satylar úshin 80 mln. teńgeden aspaıdy.
«Keshe ınnovatsııalyq granttar berý boıynsha ekinshi konkýrs jarııalandy. Ótinimder 2021 jylǵy 10-23 tamyz aralyǵynda https://qazinn.kz/ portaly arqyly qabyldanady. Barlyq suraqtar boıynsha tikeleı Ilıas Ospanovqa nemese Community QazInnovations keńes berý Telegram-arnasyna jaza alasyzdar. Barlyq jasampaz jandardy osy konkýrsqa qatysýǵa shaqyramyn, bul – startaptaryńyzdy júzege asyryp, damytý úshin óte jaqsy múmkindik. Іske sát!»,-delingen jazbada.