Qazaqstanda ınformatıka 1 synyptan bastap oqytylýy múmkin
ASTANA. QazAqparat - Qazaqstanda ınformatıka páni 1 synyptan bastap oqytylýy múmkin. Bul týraly búgin «Digital Bridge» halyqaralyq ınnovatsııalyq forýmda QR Premer-Mınıstri Baqytjan Saǵyntaev aıtty, dep habarlaıdy QazAqparat tilshisi.
Forýmnyń tsıfrlyq ekonomıkany damytýdyń jahandyq trendteri talqylanǵan jalpy otyrysynda Estonııa Premer-Mınıstri ıÝrı Ratas óz elinde robototehnıka 1 synyptan bastap balalarǵa oqytylatyndyǵyn atap ótti.
«Menińshe, bilim berý bul ınnovatsııanyń barynsha mańyzdy elementi sanalady. Máselen, Estonııada bizdiń balalarymyz birinshi synyptan bastap robototehnıkany oqıdy. Bul óte tanymal pán», - dedi ıÝrı Ratas.
Óz kezeginde QR Premer-Mınıstri Baqytjan Saǵyntaev Estonııanyń mundaı tájirıbesine qyzyǵýshylyq tanytty.
«Estonııada birinshi synyptan bastap robototehnıkany oqytýy óte keremet. Biz ınformatıkany 7 synyptan bastap oqyttyq. Barlyq ýaqytta 7 synyp oqýshysy oqytýshysynan kóp biletindigin aıtyp kelemin. Biz baǵdarlamany ózgerttik jáne búginde ınformatıka úshinshi synyptan oqytylady. Qazir Estonııa Premer-Mınıstriniń sózinen keıin bizde oılanatyn bolamyz, 3-inshi synyp ta keshteý sııaqty», - dedi QR Úkimet basshysy.
Aıta keteıik, forýmnyń tsıfrlyq ekonomıkany damytýdyń jahandyq trendteri talqylanǵan jalpy otyrysyna qatysqan Premer-Mınıstr «Digital Bridge» úlken baılanystar jasalatyn alańǵa aınalatyndyǵyn, Qazaqstan tek qana tsıfrlyq kún tártippen ómir súrip jatqanyn aıtqan edi.
Digital Bridge - Qazaqstandaǵy bıylǵy jyly ótip otyrǵan basty ınnovatsııalyq oqıǵa.
