Qazaqstanda ınflıatsııa jyl basynan beri 5,2% qurady - QR UEM
Vedomstvonyń málimetinshe, aǵymdaǵy jyldyń basynan (2016 jylǵy shilde 2015 jylǵy jeltoqsanǵa) baǵanyń ósýi kartopqa 41,4%, jarmalarǵa - 27,3%, qantqa - 26,4%, shaıǵa - 20,6%, nanǵa - 14,3%, qaıta óńdelgen jáne konservilengen kókónisterge - 10,6%, kondıterlik ónimderge - 9,7%, salqyndatylǵan sýsyndarǵa - 9,1%, makaron ónimderine - 8,8%, keptirilgen jemister men jańǵaqtarǵa - 8,2%, jemis jáne kókónis shyryndaryna - 7,5%, kúnbaǵys maıyna - 7,4%, toqash jáne unnan daıyndalatyn ónimderge - 6%, qus etine - 5,8%-ǵa, jańa jınalǵan jemisterge, máıekti irimshikke - 5,5%-dan belgilendi.
Baǵanyń tómendeýi jumyrtqaǵa 13,4%, shıki sútke - 8,2%, jańa jınalǵan kókónisterge - 9,5%, aıranǵa - 0,7%-ǵa tirkeldi.
Baǵa ósimi farmatsevtıkalyq ónimderge 13,1%, turmystyq aspaptarǵa - 8,2%, jeke qoldanatyn taýarlarǵa - 7,9%, shyny jáne qyshtan jasalǵan ónimderge, jýǵysh jáne tazalaǵysh quraldarǵa - 7,5%-dan, toqyma buıymdaryna - 6,2%, avtomobılderge - 6%, kıim jáne aıaq kıimge - 4,9%, jıhaz jáne úıge qajetti zattarǵa - 3,1%-dy qurady.
Baǵa deńgeıi densaýlyq saqtaý qyzmetterine 7,7%, mektepke deıingi balalar mekemesiniń - 7,5%, meıramhanalar men qonaq úılerdiń - 4,2%, demalys, oıyn-saýyq jáne mádenıet salasyndaǵy - 4,1%, shashtarazdar men jeke qyzmet kórsetý oryndary - 2,4%-ǵa ósti.
Jolaýshylardyń áýe kóligimen jol júrý aqysy 22,3%, alys qashyqtyqqa qatynaıtyn temir jol kóligine - 14,1%, ishki qalalyq qatynastarda avtobýspen - 7,6%-ǵa joǵarylady.
«Turǵyn úı-kommýnaldy qyzmetter salasynda tarıfter kárizge 25,3%, sýyq sýǵa - 12,4%, qoqys shyǵarýǵa - 11,8%, taratý jelileri arqyly tasymaldanatyn gazǵa - 7,8%, ortalyqtan jylytýǵa - 7,3%, elektr energııasyna - 4,9%, ystyq sýǵa - 4,4%-ǵa ósti», - delingen habarlamada.
