Qazaqstanda ınfektsııaǵa qarsy sharalar der kezinde iske asyryldy - sarapshy

«Qazaqstanda koronavırýs ınfektsııasynyń taralaýyna áser etken faktorlarǵa toqtalsaq, bastapqyda indet shet memleketterden keldi. Sebebi Germanııa, Italııa jáne ózge de elderden ınfektsııa juqtyrǵan bizdiń azamattar elimizge oraldy. Odan keıin koronavırýstyń taralýy ishki máselege aınaldy. Іndettiń taralýyna turǵyndardyń tyǵyz ornalasýy yqpal etýde. Osy oraıda iri qalalarda kórsetkishter joǵary boldy. Munymen qosa, jalpy sanıtarlyq-epıdemıologııalyq jaǵdaıdyń áseri de bar. Bul turǵyda adamdardyń qarapaıym jeke gıgıenany, sondaı-aq karantındik sharalardy saqtamaýy teris nátıje berdi», - dedi A. Chebotarev onlaın tártipte ótken konferentsııada.

Onyń sózine qaraǵanda, karantındik shekteýlerdi birtindep jeńildetý sharalary bastalǵaly turǵyndardyń kóbisi medıtsınalyq maskalarsyz kóshege shyǵýdy bastady.

«Atap aıtqanda, Qazaqstan basshylyǵy ınfektsııaǵa qarsy sharalardy der kezinde atqara bastaǵanyn atap jón. Qańtar aıynan aldyn alý sharalary iske asyryldy. Naýryz aıynyń orta kezinde indettiń bastapqy oqıǵalary tirkelgen kezde ınfektsııanyń jappaı taralýyna jol berilmedi. Árıne, engizilgen tótenshe jaǵdaı rejımi qajetti qadam boldy. Bul rejım janama teris protsesterge alyp kelgeni túsinikti, ıaǵnı ekonomıkada iskerlik belsendilik deńgeıiniń tómendeýi, shaǵyn jáne orta bıznes salasyndaǵy is-qımyldardyń báseńdeýi sekildi jaǵdaı oryn aldy», - dedi sarapshy.

Onyń atap ótýinshe, tótenshe jaǵdaı rejımi kezinde qylmystylyq faktileriniń tómendeýi baıqaldy.

«Jalpy, elimizde indetke qatysty jaǵdaı baqylaýda boldy. Memleket tıisti medıtsınalyq kómekti kórsetip jatyr, áleýmettik qoldaý sharalary iske asyrylýda. Sheteldik ári elimizdiń ǵalymdary koronavırýstyń ekinshi tolqyny bolýy múmkin ekenin aıtýda. Atap aıtqanda, Qazaqstan osydaı synaqqa alǵash tap boldy. Bul synaqty barshamyz tıisti dárejede eńserip kelemiz», - dedi Andreı Chebotarev.