Qazaqstanda ındýstrııalyq damý boıynsha respýblıkalyq birtutas basqarý ortalyǵy qurylady

A. Aqpannyń 9-y. QazAqparat /Ernur Aqanbaı/ - Qazaqstanda Údemeli ındýstrııalyq-ınnovatsııalyq damý boıynsha respýblıkalyq birtutas basqarý ortalyǵy qurylatyn bolady. Bul týraly búgin Úkimet otyrysynda Indýstrııa jáne saýda mınıstri Áset Isekeshev málim etti,

dep habarlaıdy QazAqparat.

Onyń aıtýynsha, atalmysh ortalyqty Premer-Mınıstr Kárim Másimov basqaratyn bolady. Shtab bastyǵynyń birinshi orynbasary Úkimet basshysynyń birinshi orynbasary Ómirzaq Shókeev bolady.

«Qazir atalmysh buıryqtyń jobasy kelisilip jatyr. Taıaý ýaqytta oǵan qol qoıylatyn bolady. Buıryq jobasynyń aıasynda ınvestıtsııalyq jobalardyń júzege asyrylý barysyn baqylaý jónindegi óńirlik basqarýshy ortalyqtar qurylady. Barynsha mańyzdy iri jobalar boıynsha arnaıy jobalyq toptar qurylmaq. Olardy mınıstrler, memlekettik holdıngterdiń jáne ulttyq kompanııalardyń basshylary basqarady. Respýblıkalyq basqarý ortalyǵynyń otyrysyn aıyna bir márte ótkizý josparlanyp otyr. Onda tıisti jaýapty organdar jáne ulttyq kompanııalar basshylarynyń esepteri tyńdalatyn, sondaı-aq jobalardyń nátıjeleri týraly aqparattar usynylatyn bolady», dedi mınıstr.

Onyń sózine qaraǵanda, respýblıkalyq basqarý ortalyǵynyń 2010 jylǵy mańyzdy mindeti - aǵymdaǵy jyldyń birinshi jartyjyldyǵynda josparlanǵan jobalardyń iske qosylýyn qamtamasyz etý. Ekinshi mindeti - jyl sońyna deıin josparlanǵan jobalardyń iske qosylýyn qamtamasyz etý. Al, úshinshi mindeti - 2010 jylǵa josparlanǵan jańa jobalardyń qurylysyn bastaý. «Táýelsiz sarapshylardy jáne bıznes qoǵamdastyqty tarta otyryp árbir jobaǵa naqty monıtorıng jasaý úshin sharalar qabyldanatyn bolady. Táýelsiz sarapshy retinde «Damý» qoryn, sondaı-aq «Atameken» ulttyq ekonomıkalyq palatasynyń mamandaryn tartý kózdelip otyr», dedi Á. Isekeshev.