Qazaqstanda ındýstrııalandyrý baǵdarlamasyna 40 myńnan astam ınjener maman jetispeıdi - G. Ábdihalyqova

ASTANA. QazAqparat - Qazaqstanda ındýstrııalandyrý baǵdarlamasyna 40 myńnan astam ınjener maman qajet. Bul týraly búgin bilim máselelerine arnalǵan "Qazaqstan-2050" koalıtsııasynyń otyrysynda QR Premer-Mınıstriniń orynbasary Gúlshara Ábdihalyqova málim etti.

"Biz aldyńǵy besjyldyqta ındrýstrııalyq-ınnovatsııalyq baǵdarlama boıynsha esep jasadyq. Sol boıynsha 43 myńǵa jýyq ınjener jáne tehnıkalyq jumysker-mamandary kerek. Kelesi bilim berý jónindegi josparymyzdy osyǵan baǵyttaıtyn bolamyz", - dedi ol.

Onyń aıtýynsha, salalyq mınıstrlikter, kásipodaqtar Kásipkerlik palatasymen birge suranysqa ıe mamandyqtar tizbesin aıqyndaý jumystaryn júrgizip jatyr.