Qazaqstanda ımamdar ekstremızmge qarsy daıyndyqqa qatysyp júr
QR Din isteri jáne azamattyq qoǵam mınıstri Nurlan Ermekbaevtyń aıtýynsha, búginde Qazaqstan musylmandary dinı basqarmasymen birlese otyryp, ekstremızmniń aldyn alýǵa arnalǵan ımamdardy qaıta daıarlaý ınstıtýty quryldy. «2016 jyldyń qazan aıynan bastap ol bizdiń ádistemelik qoldaýymyzdyń negizinde Nur-Múbárak ýnıversıtetinde jumys jasaýda. Osy ýaqytqa deıin ınstıtýtta 40 ımam men teolog mamandar qaıta daıarlaýdan ótti. Jalpy, ondaı sharalar dinı saladaǵy jaǵdaıdy saýyqtyrýǵa aıtarlyqtaı yqpal etýde», - dedi Ermekbaev mınıstrliktiń búgingi alqa májilisinde.
Mınıstrdiń sózine qaraǵanda, búginde respýblıka boıynsha 306 arnaıy teologııalyq jáne aqparattyq toptar jumys isteýde. Olardyń ishinde 3,5 myńnan astam dintanýshylar men dinı uıymdardyń ókilderi bar.
Aıta keteıik, májilis kezinde mınıstr memleket pen din arasyndaǵy baılanystyń jańa modelin qalyptastyrý sharalarynyń qolǵa alynǵanyn jetkizdi. Atalǵan model din salasyndaǵy memlekettik saıasatynyń 2017-2020 jyldarǵa arnalǵan tujyrymdamasyna negizdeledi. Budan bólek, dinı qyzmet jáne dinı birlestikterge arnalǵan zańnamaǵa ózgerister engizip, balalardy zańsyz dinı qyzmetke tarqany úshin jazany kúsheıtý kózdelgen.
