Qazaqstanda Imam AI iske qosylady: tsıfrlyq ımamǵa qandaı suraq qoıýǵa bolady
ASTANA. KAZINFORM – Qazaqstan musylmandary dinı basqarmasy osy jyldyń mamyr aıynda usynýdy josparlap otyrǵan Imam AI pılottyq jobasynyń iske qosylýy qarsańynda Kazinform agenttiginiń tilshisi bolashaq qyzmettiń maqsattary, jumys prıntsıpteri jáne tehnıkalyq júzege asyrylýy týraly aqparat alý maqsatynda Qazaqstan musylmandary dinı basqarmasyna habarlasty.
Bul – jasandy ıntellektke negizdelgen dinı keńesterge arnalǵan sandyq júıe, ol resmı dinı aqparattyń onlaın-formattaǵy biryńǵaı kózine aınalýǵa baǵyttalǵan.
Jobanyń maqsaty
QMDB jaýabyna sáıkes, joba búgingi tańda ámbebap JI-qyzmetterinde jıi kezdesetin qarama-qaıshy dinı túsindirmelerdiń taralý qaýpin azaıtýǵa baǵyttalǵan qural retinde qarastyrylyp otyr. Basqarma atap ótkendeı, paıdalanýshylar mundaı júıelerdiń olar bekitilgen ustanymǵa sáıkes kele bermese de, jaýaptaryn kóbine resmı dep qabyldaıdy.
Іske qosý formaty
Imam AI-dy iOS jáne Android úshin tegin mobıldi qosymsha retinde iske qosý josparlanǵan. Fýnktsıonal bolashaqta keńeıtilip, basqa tsıfrlyq platformalarmen biriktirilýi múmkin.
Júıe jumysynyń prıntsıpteri
QMDB jaýabynan júıeniń jumys isteýiniń negizgi qaǵıdattaryn bólýge bolady:
- Imam AI dinı sheshimderdi ózdiginen qabyldamaıdy nemese jańa túsindirmeler bermeıdi;
- júıe tek QMDB aldyn ala bekitken bazasy negizinde jumys isteıdi;
- júıe resmı pátýalar jáne suraqtar men jaýaptar jınaqtaryna negizdelgen;
- paıdalanýshyǵa tek daıyn, tekserilgen anyqtamalar beriledi.
Suraq taqyryptary
Qyzmet negizinen kúndelikti tájirıbege qatysty negizgi dinı suraqtar – namaz, oraza, zeket, qajylyq jáne basqa da standartty taqyryptarǵa baǵyttalǵan. Bul rette júıe kúrdeli nemese jeke isterdi óńdemeıdi: eger suraq bazada bolmasa, ol avtomatty túrde dinı mamanǵa qaıta joldanady.
Ázirleý jáne synaqtan ótkizý
QMDB atap ótkendeı, Imam AI jobasy tek rýhanı basqarma sheńberinde – Tsıfrlyq damý bólimi jáne arnaıy qurylǵan mamandar jumys tobynyń kúshimen ázirlenip otyr. Ony iske asyrýǵa syrtqy IT-kompanııalary qatysqan joq, al qarjylandyrý ishki resýrstar esebinen qamtamasyz etildi.
Júıe iske qosý aldynda ishki testileý kezeńinen ótti, onyń barysynda alynǵan jaýaptardyń durystyǵy, qyzmet turaqtylyǵy jáne jetkizilý logıkasy tekserildi. Tekserý qorytyndylary boıynsha qajetti tehnıkalyq jáne fýnktsıonaldyq jaqsartý engizildi, sodan keıin joba pılottyq iske qosý úshin daıyndaldy.
Baqylaý jáne jaýapkershilik
Jaýapta aıtylǵandaı, sapany baqylaýǵa erekshe nazar aýdaryldy. Barlyq jaýaptardy QMDB dinı mamandary únemi baqylap, qajet bolǵan jaǵdaıda ózgerister men naqtylaý engizedi. Mazmunyna qatysty jaýapkershilik tolyǵymen Dinı basqarmaǵa júkteledi.
Imamdarmen ózara árekettesý
Sondaı-aq úrdeli suraqtardy mamandarǵa jiberý tetigi de engizilgen. Mundaı jaǵdaılarda paıdalanýshy júıe arqyly emes, ımamnan tikeleı túsinikteme ala alady. Nátıjesinde Imam AI dinı keńesterdiń táýelsiz kózi retinde emes, suraýlardy bilim bazasy men mamandar arasynda taratatyn sandyq súzgi retinde áreket etedi.
Saıyp kelgende, jobanyń ózi tsıfrlyq ortada dinı bilimniń ortalyqtandyrylǵan júıesi retinde qurylyp otyr. Munda basty nazar jasandy ıntellekt arqyly túsindirmelerdi erkin jasaýǵa emes, resmı derekkózderdi paıdalanýǵa, mazmundy qatań baqylaýǵa jáne jaýaptardyń birkelkiligine aýdarylady.
Aıta keteıik, buǵan deıin azyq-túlik baǵasyn endi jasandy ıntellekt baqylaıtynyn jazdyq.
Sondaı-aq Astanadaǵy mektepterdiń birinde Qazaqstanda alǵashqy AI kabıneti ashylatyny habarlandy.
