Qazaqstanda ІІІ toptaǵy múgedekterge memlekettik turǵyn úı qorynan baspana berý usynyldy
«Múgedektigi úshinshi toptaǵy adamdardy baspanamen qamtamasyz etý máselesi bar ekenin kórip otyrmyz. Osy jaǵdaıda, múmkin olardy memlekettik turǵyn úı qorynan baspana alýǵa quqyly adamdardyń tizimine engizý qajet bolar»,-dedi halyq qalaýlysy «Qazaqstan Respýblıkasynyń Múgedekterdiń quqyqtary týraly BUU konventsııasyn ratıfıkatsııalaýy: oń ózgeristerge umtylys» halyqaralyq konferentsııasynda.
Budan bólek ol múmkindigi shekteýli jandarǵa qatysty ózge de máselelerge toqtaldy. «Qabyldanyp jatqan memlekettik sharalarǵa qaramastan, sheshimin tappaǵan birqatar problemalar bar. Mysaly, múgedekterdi jumysqa ornalastyrýda kebir qıyndyqtar týyndaıdy. Infraqurylym nysandaryna, kólikke jáne ózge de áleýmettik qyzmetterge olardyń qoljetimdiligin qamtamasyz etý boıynsha jumystar tıisti deńgeıde emes»,-dedi Aqan Bıjanov. Onyń paıymynsha, múmkindigi shekteýli balalar basqalarymen teń dárejede bilim alýyna jáne qoǵamda beıimdelýi úshin mektepterde qajetti jaǵdaıdy jasaý kerek. Depýtattyń aıtýynsha, qazirgi kezde elimizde 600 myńnan astam múmkindigi shekteýli jandar ómir súrýde, bul kórsetkish jalpy halyq sanynyń 3,7 paıyzyn quraıdy.