Qazaqstanda ıgeriletin 109 ken orny aýktsıonǵa shyǵaryldy
ASTANA. QazAqparat - Qazaqstan Respýblıkasy Investıtsııalar jáne damý mınıstrligi 2017 jylǵy 28 qarashada 109 jer qoınaýy ýchaskesi sonyń ishinde 97 barlaýǵa, 12 óndirýge arnalǵan ýchaskeleri boıynsha jer qoınaýyn paıdalaný quqyǵyn alýǵa qatysty aýktsıon túrindegi konkýrs ótkiziletindigin habarlaıdy.
45 altyn, 44 barlaýǵa jáne 1 óndirýge;
45 tústi metaldar, 3 óndirýge jáne 42 barlaýǵa arnalǵan;
7 qara metall, barlyǵy barlaýǵa arnalǵan;
3 sırek kezdesetin metall, 1 óndirýge jáne 2 barlaýǵa arnalǵan;
9 ózge de paıdaly qazbalarǵa qatysty (grafıt, kvartsıt, emdik balshyq, hrızopraz, flıýorıt, haltsedon, burǵylaý keni), 6 óndirýge jáne 3 barlaýǵa arnalǵan. Aýktsıonǵa shyǵarylatyn jer qoınaýy ýchaskeleriniń tizbesin kelesi silteme arqyly alýǵa bolady
Aýktsıonǵa negizinen geologııalyq baralaý jumystaryn qajet etetin jer qoınaýy ýchaskeleri shyǵarylǵan.
Jer qoınaýyn paıdalaný quqyǵyn berýdiń negizgi sharty - aýktsıonǵa qatysýǵa arnalǵan tólem, geologııalyq aqparatty alý úshin tólem, qyzmetterdi, jumystardy jáne kadrlardy jergilikti qamtý boıynsha tólemder, aýmaqtyń áleýmettik-ekonomıkalyq damýyna arnalǵan shyǵyndar, ǴZTKJ arnalǵan shyǵyndar.
Jeńimpazdy anyqtaýdyń negizgi jáne jalǵyz krıterıi retinde qatysýshylardyń qol qoıyp usynatyn úlken kólemdi bonýs tańdalynǵan.
Aýktsıondy ótkizýdiń jer qoınaýy ýchaskesine jer qoınaýyn paıdalaný quqyǵyn berý «Jer qoınaýy jáne jer qoınaýyn paıdalaný týraly» Zańǵa sáıkes Jer qoınaýyn paıdalanýshynyń kelisimshart aýmaǵy sheńberinde jer qoınaýyn ıelený jáne paıdalaný quqyǵy ol negizinen kelesideı operatsııalardy júrgizýge beriledi: barlaýdy júrgizý úshin, óndirýdi júrgizý úshin,birlesken barlaý men óndirýdi júrgizý úshin, barlaýmen nemese óndirýmen baılanysty emes jerasty qurylystaryn salýdy júrgizý jáne (nemese) paıdalaný úshin, jer qoınaýyn memlekettik geologııalyq zertteýdi júrgizý úshin.
Aýktsıon jeńimpazymen kelisimshart bekitiledi. Barlaý satysynda kelisimsharttyń áreket etý merzimi 6 jyl. Jer qoınaýyn paıdalaný quqyǵy kelisimsharttyń áreket etý merzimimen shektelgen.
Aýktsıon arqyly geologııa salasyna ınvestıtsııa tartý, Qazaqstandaǵy geologııalyq zerttelýdi joǵarylatý, bıýdjetke salyq keltirý, jańa jumys oryndaryn ashý, jergilikti qamtýdy damytý, jergilikti mamandardy oqytý jáne qaıta daıarlaý, qaıta óńdeýshi kásiporyndardy básekelestikke daıarlaý kózdelip otyr.
