Qazaqstanda І toqsanda tabıǵı gaz óndirisi 3,6% artqan
NUR-SULTAN. QazAqparat - Qazaqstanda 2019 jyldyń qańtar-naýryzynda tabıǵı gaz óndirisi 14,6 mlrd tekshe metrge jetip, 2018 jyldyń osy kezeńinde 3,6% artty. Onyń ishinde gaz tárizdi tabıǵı gaz 5,9 mlrd tekshe metrdi qurady, dep habarlaıdy QazAqparat energyprom.kz saıtyna silteme jasap.
Atalyp ótilgendeı, osy jyldyń qańtar-aqpanynda suıyq jáne gaz kúıindegi tabıǵı gazdyń 44,3% Atyraý oblysynda (4,3 mlrd tekshe metr), 35,3%-y - Batys Qazaqstan oblysynda (3,4 mlrd tekshe m, -1,7%), 12,1%-y - Aqtóbe oblysynda (1,2 mlrd tekshe m, +6%) óndirilgen. Tabıǵı gazdyń tabıǵı kúıinde óndirýdiń negizgi bóligi Batys Qazaqstan oblysynda (88,2%) shyǵarylǵan.
«QazMunaıGaz» ulttyq kompanııasy» AQ úlesine jaly óndirilgen munaı men gaz kondensatynyń 28%-y, tabıǵı jáne ilespe gazdyń 16%-y tıesili. Sondaı-aq, ulttyq kompanııa 95% tabıǵı gazdy magıstraldyq gaz qubyrlarymen tasymaldaıdy.
