Qazaqstanda І Halyqaralyq energııa únemdeý forýmy ótedi
ASTANA. QazAqparat - 9 qarasha kúni Astanada Energııa únemdeý jónindegi alǵashqy halyqaralyq forým ótedi.
Forýmdy QR Investıtsııalar jáne damý mınıstrligi BUU Damý Baǵdarlamasymen birlesip uıymdastyrýda ol Qazaqstandaǵy Energııa únemdeý kúniniń on jyldyǵyn merekeleýge oraılastyrylǵan. Forýmnyń maqsaty - energııa únemdeý jáne energııa tıimdiligin arttyrý máseleleri boıynsha dıalog jáne kórsetý alańyn qurý bolyp tabylady.
Sharaǵa memlekettik organdardyń, halyqaralyq uıymdardyń, bıznes qurylymdardyń, qoǵamdyq uıymdardyń ókilderi, sondaı-aq sheteldik sarapshylar qatysady.
Forýmnyń sheńberinde energııa únemdeýdiń ózekti máseleleri, sonyń ishinde ónerkásiptegi, qalalyq orta men TKSh-daǵy energııa tıimdiligi, energııa tıimdiligin standarttaý jáne tańbalaý máseleleri talqylanatyn bolady, sondaı-aq, «Qazaqstan Respýblıkasynyń keıbir zańnamalyq aktilerine energııa únemdeý jáne energııa tıimdiligin arttyrý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy jobasy tujyrymdamasynyń tanystyrylymy ótedi.
