Qazaqstanda Hyundai Accent jáne ZAZ Chance avtokólikteri satylym jaǵynan kósh bastap tur
ASTANA. 16 mamyr. QazAqparat - 2012 jylǵy sáýirdiń qorytyndysy boıynsha jańa jeńil kólikter men kommertsııalyq tehnıkamen, onyń ishinde ımporttalatyn jáne Qazaqstanda óndiriletinderdi eseptegen qazaqstandyq naryq 2011 jyldyń osy kezeńimen qaraǵanda 133 paıyzǵa artty.
Ótken aıda resmı dılerler 7 895 avtotehnıkany satyp úlgergen. Al 2011 jyldyń bul merziminde 3 385 avtokólik satylǵan eken. Bul jaıynda «Qazaqstandyq avtobıznestiń qaýymdastyǵy» zańdy tulǵalar birlestigi habarlap otyr.
Jalpy jyl basynan beri bul baǵyttaǵy satylymdardyń oń qarqyny baıqalýda. Máselen, qazaqstandyqtar naýryzǵa qaraǵanda, sáýirde 1 899 dana avtokólikti artyq satyp alǵan.
Atap aıtqanda, Hyundai jáne ZAZ atty 2 brendtiń satylymdary aıtarlyqtaı eleýli bolǵan. 2012 jyldyń sáýirinde olardyń satý qarqyny 2011 jylmen salystyrǵanda 8,7 paıyzǵa ósti. Hyundai kólikteri ishinde Accent, al ZAZ avtomobılderiniń arasynda shaǵyn Chance úlken suranysqa ıe boldy.
Budan keıingi orynda Renault jáne UZ-Daewoo kólikteri kele jatyr. Olardyń satylymy naýryzǵa qaraǵanda sáýirde 3 eseden astam deńgeıde ósti. Premıým-klastaǵy kólikterge toqtalatyn bolsaq, Qazaqstanda BMW mashınalary tanymal bolyp keledi. Ótken aıda osy kólikterdiń satylymy 2011 jyldyń sáıkes kezeńine qaraǵanda 5,5 esege artyq boldy. Sonymen qatar Porsche markaly kólikter 3,5 esege kóp saýdalandy.
Budan bólek, Lexus (-5 avto) ı Land Rover (-1) kólikteriniń satylymdarynda shamaly tómendeý tirkeldi.
Óńirler boıynsha toqtalatyn bolsaq, Almatyda kólikterge degen suranys joǵary. Sáýirde bunda 2 162 avtokólik satylǵan eken. Almatylyqtar kóbinese Toyota, ZAZ Chance jáne Lada kólikterin alsa, al astanalyqtar Lada, Hyundai men Toyota kólikterin tańdaıdy eken. Sondaı-aq jeńil kommertsııalyq avtokólikter sanatynda Qazaqstan azamattary GAZel kóligine basymdyq beretin kórinedi. Qostanaıda Hyundai, ÝAZ jáne SsangYong kólikteri suranysqa ıe.
