Qazaqstanda hokkeıdi damytýdyń jańa baǵdarlamasy engiziledi
ASTANA. QazAqparat - Qazaqstan shaıbaly hokkeı federatsııasynyń prezıdenti Asqar Mamın Astanada Reseı ulttyq quramasy shtabynyń basshysy ári Reseı hokkeı federatsııasynyń vıtse-prezıdenti Roman Rotenbergpen kezdesti, dep habarlaıdy QazAqparat.
Qazaqstan hokkeı federatsııasynyń baspasóz qyzmetinen málim etkendeı, qos tarap áriptestik týraly memorandým aıasynda belsendi jumys júrgizip, tájirıbe almasý máselelerin talqylady.
Sondaı-aq, federatsııanyń halyqaralyq qarym-qatynasy men oıynshylardyń lıgalarǵa aýysýyn retteý máselelerin qarady.
Kezdesý sońynda Reseıde hokkeıdi damytýǵa arnalǵan «Krasnaıa mashına» baǵdarlamasyn Qazaqstandaǵy hokkeı mektepterine engizý týraly sheshim qabyldandy.
