Qazaqstanda hokkeı jarystary kórermensiz ótedi - QHF
NUR-SULTAN. QazAqparat - COVID-19 koronavırýsyna baılanysty elimizde bolatyn barlyq hokkeı matchy bos trıbýnada kórermensiz ótedi, dep habarlaıdy QazAqparat Qazaqstan hokkeı federatsııasyna (QHF) silteme jasap.
«Sport jarystary ótedi, biraq kórermensiz ótetin bolady. Bul – halyqaralyq tájirıbe. Barlyq Eýropa elinde úlken quramalar kórermensiz alańǵa shyǵady. Bizde de osyndaı sheshim qabyldandy», - dep málimdedi QR Úkimetiniń shuǵyl brıfınginde Premer-mınıstrdiń orynbasary Eraly Toǵjanov.
Osylaısha jankúıerlerdiń densaýlyǵyna qaýip tónbes úshin 13 naýryzdan bastap Qazaqstandaǵy barlyq resmı hokkeı jarystary kórermensiz ótedi. Atalǵan shekteý sharalarynyń merzimi týraly Qazaqstan hokkeı federatsııasy qosymsha habarlaıdy.
Aıta keteıik, búgin QR Prezıdenti Qasym-Jomart Toqaev álemdik koronavırýs pandemııasyna baılanysty elde barlyq jappaı mádenı jáne sporttyq sharalardy ótkizýge ýaqytsha tyıym saldy.
