Qazaqstanda «Haıdýk» - «Shahter» matchy kórsetilmeıdi
ASTANA. QazAqparat - Splıtte bolatyn qaraǵandylyq «Shahterdiń» «Haıdýkka» qarsy matchyn televızııalyq efırde kórsetilmeıdi, dep habarlady Vesti.kz. tilshisi. «Habar» agenttigi Eýropa lıgasynyń pleı-offqa shyǵý matchyn translıatsııalaý quqyǵyn horvattardan satyp alǵan «SportFaıv» nemis kompanııasymen kelise almady.
«Habar» agenttigi» AQ sport baǵdarlamalarynyń prodıýseri Asqat Jaqaevtyń sózine qaraǵanda, «Splıtten matchty kórsetý quqyǵyn satyp alý týraly kelissózder bir apta júrgizildi, alaıda ol nátıje bermedi - taraptar ortaq baǵaǵa kele almady».
«Biz horvattarǵa habar almasýdy usyndyq, alaıda «Haıdýk» quqyǵyn Germanııadan kelgen kompanııaǵa satty. Al biz usynǵan baǵa, az soma usynbasaq ta, olardyń kóńilinen shyqpady», - dep málimdedi Asqat Jaqaev.
Eske sala keteıik, Eýropa Lıgasyndaǵy úshinshi kvalıfıkatsııalyq raýndtaǵy «Shahterge» kezekti match búgin, 7 tamyz kúni ótedi. Bul kezdesý Astana ýaqyty boıynsha 23:30 kezinde bastalady, dep jazady vesti.kz.
