Qazaqstanda halyqtyń kedeılik deńgeıi 4,6% artty - statıstıka

NUR-SULTAN. QazAqparat – QR Strategııalyq josparlaý jáne reformalar agenttigi Ulttyq statıstıka bıýrosy 2020 jyldyń 4-toqsanyndaǵy Qazaqstan halqynyń tabysy men shyǵystary boıynsha statıstıkany usyndy, dep habarlaıdy QazAqparat.

2020 jylǵy 4-toqsanda úı sharýashylyqtaryn iriktemeli zertteý boıynsha tabysy eń tómengi kúnkóris deńgeıine jetpeıtin halyqtyń úlesi (kedeılik deńgeıi) 4,6% qurady. Bul, 2019 jylǵy tıisti kezeńmen salystyrǵanda 0,8 paıyzǵa kóp.

2020 jylǵy 4-toqsanda kedeılik deńgeıiniń eń úlken máni Túrkistan (10,3%), Soltústik Qazaqstan (5,8%) jáne Mańǵystaý (5,7%) oblystarynda tirkelgen. Al eń tómeni – Nur-Sultanqalasynda (1,5%).

Sonymen qatar, halyq shyǵyny boıynsha kelesi statıstıka usynylǵan:

Azyq-túlikke

- halyqtyń eń az qamtamasyz etilgen 10 paıyzy - 15 978 teńge;

- halyqtyń eń kóp qamtamasyz etilgen 10 paıyzy - 75 535 teńge jumsaǵan.

Azyq-túlik emes taýarlarǵa

- halyqtyń eń az qamtamasyz etilgen 10 paıyzy - 5 449 teńge;

- halyqtyń eń kóp qamtamasyz etilgen 10 paıyzy - 43 539 teńge jumsaǵan.

Aqyly qyzmetterge

- halyqtyń eń az qamtamasyz etilgen 10 paıyzy - 4 148 teńge;

- halyqtyń eń kóp qamtamasyz etilgen 10 paıyzy - 22 718 teńge jumsaǵan.