Qazaqstanda «Halyqtyq IPO-ǵa» qatysýǵa ótinim qabyldaý úshin 3 myńnan astam transfer-agenttik pýnkt ashylady - Qazposhta
ASTANA. 18 naýryz. QazAqparat - Kompanııanyń «Halyqtyq IPO-ǵa» shyǵýyna daıyndyǵy sheńberinde halyqtan ótinim qabyldaý úshin «Qazposhta» AQ-nyń 3 myńnan astam transfer-agenttik pýnkti ashylady.
Bul týraly «Qazposhta» AQ basqarma tóraǵasy Árken Arystanov aıtty, dep habarlaıdy primeminister.kz.
«KEGOC» kompanııasynyń «Halyqtyq IPO-ǵa» shyǵýyna daıyndyǵy sheńberinde «Qazposhta» AQ-nyń aýdandyq, qalalyq, aýyldyq bólimderinde halyqtan ótinim qabyldaý úshin arnaıy oqytylǵan qyzmetkerleri bar 3 myńnan astam transfer-agenttik pýnkt ashylady», - deıdi Á.Arystanov.
Atalǵan pýnktterde deldaldardyń jarnamalyq ónimin turǵyndarǵa tanystyrý júrgiziledi, alaıda «Qazposhta» AQ-nyń qyzmetterin óteý tolyq tarıf boıynsha júrgiziledi.
Búgingi tańda áleýetti ınvestorlardyń ońtaılyǵy úshin transfer-agenttik jáne deldaldyq qyzmet kórsetý bıznes úderisterin avtomattandyrý boıynsha jumystar júrgizilgen.
Osylaısha, transfer-agenttik qyzmetter boıynsha jańa baǵdarlamalyq qamtamasyz etý ornatylǵan, ol buıryqtar men klıenttik tapsyrystardy óńirlerden ortalyq ofıske onlaın rejimde jetkizýge múmkindik beredi.
Sonymen qatar, ınvestorlardyń ózderi onlaın rejimde qundy qaǵazdardyń baǵasyn belgileýdi baqylap, klıenttik tapsyrystar bere alady.
