Qazaqstanda halyqty nesıeleý bir jylda 19% artty
ALMATY. QazAqparat - Qazaqstanda turǵyndarǵa zaım berý - nesıeleýdiń eń qarqyndy damyp kele jatqan segmenti. Onyń ósimi bir jylda 19% qurady, tikeleı tutyný nesıeleri 15% ósken, dep habarlaıdy QazAqparat tilshisi Ranking.kz-ke silteme jasap.
Qazaqstan bankteriniń qaryz beretin portfeli bir jylda - 1,8%, banktiń ekonomıkaǵa baǵyttalǵan nesıeleri 1,1% qysqarǵan. Turǵyndarǵa nesıe berý qarqyndy artyp keledi. Máselen, jeke tulǵalarǵa berilgen nesıeler birden 19% artqan. Al tutynýshylyq nesıe bir jylda 14,9% ósken.
Bankter klıent tartý úshin qosymsha aktsııalardy kóbirek qoldana bastaǵan. Keıbir bank apta saıyn avtomobıl utys oıynyn jarııalasa, endi biri zeınetkerler arasynda lotereıa ótkizýde.
Eske sala keteıik, eń iri on banktiń arasynda tutynýshylyq nesıeler boıynsha mınımaldy bir jyldyq tıimdi mólsherlemeni ForteBank usynyp otyr - 0,1%. Ekinshi orynda Halyq banki tur. Munda klıenttiń ómiri saqtandyrylǵan jaǵdaıda mólsherleme - 1%. Úzdikter úshtiginde, sondaı-aq ATFbank bar - 17,2%.
Avtor: Danııar Dáýitálıev
