Qazaqstanda halyqaralyq júıe arqyly jasalǵan aqsha aýdarymy 21% ósken

NUR-SULTAN. QazAqparat - 2022 jylǵy 1 qańtardaǵy jaǵdaı boıynsha Qazaqstan aýmaǵynda 8 halyqaralyq aqsha aýdarymy júıesi (Zolotaıa korona, Vestern ıÝnıon, ıÝnıstrım, Contact, Faster, MoneyGram jáne basqalar) jumys isteıdi, dep habarlaıdy QazAqparat.

Ulttyq banktiń málimetinshe, osy júıeler arqyly jiberilgen aqsha aýdarymdarynyń jıyntyq kólemi 2021 jyly 1,364 trln teńgeni quraǵan.

Tranzaktsııalar sany – 4,3 mln.

2020 jylmen salystyrǵanda bul kórsetkish 21%-ǵa ósken.

Qazaqstannan shetelge jiberilgen aqsha aýdarymdarynyń kólemi 28,3%-ǵa artsa, shetelden Qazaqstanǵa – 1,2%-ǵa qysqardy.

El ishindegi aqsha aýdarymdarynyń kólemi 35,4%-ǵa ulǵaıyp, 70,4 mlrd tengeni qurady.

2021 jyly Qazaqstannan shetelge HAAJ arqyly jiberilgen aqsha aýdarymdarynyń kólemi 1,010 trln teńge boldy.

Shetelge jóneltilgen aqsha aýdarymdarynyń negizgi úlesi Ózbekstanǵa (29,5%), Túrkııaǵa (20,9%), Reseı Federatsııasyna (17,5%), Qyrǵyzstanǵa (14,3%) tıesili. Shetelden Qazaqstanǵa ótken jyly 283,5 mlrd teńge kelip túsken.

Qazaqstanǵa aqsha aýdarymdary negizinen Reseı Federatsııasynan (18,7%), Ózbekstannan (17,6%), Ońtústik Koreıadan (14,0%), Qyrǵyzstannan (12,0%) jáne AQSh-tan (11,8%) boldy.