Qazaqstanda halyqaralyq standarttarǵa saı PhD doktorlaryn daıarlaý sátti júzege asýda
ALMATY. 2 jeltoqsan. QazAqparat /Erlik Erjanuly/ - Qazaqstan ǵylymynyń damý úderisine jastar belsene atsalysýda, olar aldyńǵy aǵa býynnyń senimin aqtaıdy, deıdi Qanysh Sátbaev atyndaǵy Qazaq ulttyq tehnıkalyq ýnıversıtetiniń PhD doktoranty Gúlnur Álimbekova.
«Men «Nanomaterıaldar jáne nanotehnologııalar» mamandyǵynyń PhD doktorantymyn. Germanııanyń Potsdam qalasynda Maks-Plank ǵylymı-zertteý ınstıtýtynda ǵylymı is-tájirıbeden óttim. Onda sheteldik ǵalymdardyń ǵylymı baǵdaryn baıqap, tájirıbe almastym. Elbasy keshe Almatyda ótken Qazaqstan ǵalymdarynyń forýmynda ǵalymdardyń básekelestik qabiletin kóterý jaıyn kóterdi. Meniń oıymsha, elimizde ǵylymdy damytýda qazir úlken ıgilikti ister jasalyp jatyr. Ol qazirdiń ózinde óz jemisni bere bastady», - deıdi G. Álimbekova.
Onyń aıtýynsha, Q.Sátbaev atyndaǵy QazUTÝ-da Shanhaı yntymaqtastyǵy uıymy ýnıversıteti ashylyp, dúnıejúziniń 60 joǵary oqý ornynda magıstranttar «Nanotehnologııa», «Ekologııa», «IT-tehnologııa» jáne «Energetıka» baǵyttary boıynsha «qos dıplomdy» baǵdarlamamen oqýǵa múmkindik aldy. QR Prezıdenti bul forýmda jas ǵalymdarǵa úlken mindet júktedi. Olar bul senimdi aqtaıdy. Óıtkeni N.Nazarbaev ǵylymǵa jasalatyn qamqorlyqtyń aldaǵy ýaqytta basty nazarda bolatynyn aıtyp, jańa basymdyqtardy aıqyndap berdi.
