Qazaqstanda halyqaralyq sálemdeme úshin tólenetin baj salyǵy jeńildedi

NUR-SULTAN. QazAqparat – Qazaqstan azamattary quny 200 eýrodan aspaıtyn jáne salmaǵy 31 keliden aspaıtyn sálemdemelerdi kedendik baj salyǵyn tólemeı-aq ala alady. Bul týraly QazAqparat Memlekettik kirister komıtetine silteme jasap habarlaıdy.

Al eger júk belgilengen normalardan asqan jaǵdaıda, qunnan 15% mólsherde, biraq qundyq nemese salmaq normalarynan asyp ketken salmaqtyń ár kılogramy úshin 2 eýrodan kem emes mólsherde kedendik tólemder talap etiledi.

2020 jyldyń 1 qańtarynan bastap baj salyǵyn tóleý úshin árbir jeke sálemdemeniń salmaǵy men quny negizge alynady. Mysaly, sheteldik ınternet-dúkende tapsyrys berilgen, quny 300 evro bolatyn sálemdemege jolaýshynyń kedendik deklaratsııasyn tapsyrý qajet, sondaı-aq qundyq normasynan asyp ketý qunyna 15% mólsherinde kedendik bajdardy tóleý kerek (ıaǵnı, 100 eýrodan 15%). A eger sálemdeme quny 200 eýrodan tómen bolsa, biraq onyń salmaǵy 35 kg bolsa (ıaǵnı, salmaq normasynan 4 kg artyq), onda 4 kg salmaǵyna kedendik baj salyǵyna jatady.

Halyqaralyq poshta arqyly jiberilgen jeke paıdalanýǵa arnalǵan taýarlar kedendik deklaratsııalaýǵa jatady.

Halyqaralyq poshta arqyly jiberiletin jeke paıdalanýǵa arnalǵan taýarlardyń quny Dúnıejúzilik poshta odaǵynyń aktilerinde kózdelgen jáne osyndaı halyqaralyq poshta jóneltilimderimen birge júretin qujattarda málimdeledi.

Bul rette, halyqaralyq poshta jóneltiliminiń málimdelgen quny, eger ol Dúnıejúzilik poshta odaǵynyń aktilerinde kózdelgen qujattarda kórsetilgen jeke paıdalanýǵa arnalǵan taýarlar qunynan asyp ketse ǵana jeke paıdalanýǵa arnalǵan taýarlardyń quny bolyp sanalady. Jeke paıdalanýǵa arnalǵan taýarlardyń qunyna kólik jáne saqtandyrý shyǵyndary kirmeıdi.

Halyqaralyq poshta aıyrbastaý oryndarynda (mekemelerinde) saqtalǵan halyqaralyq poshta jóneltilimderi úshin ýaqytsha saqtaý merzimi alty aıdy quraıdy.

Eýrazııalyq ekonomıkalyq komıssııa Keńesiniń 2017 jylǵy 20 jeltoqsandaǵy № 107 «Jeke paıdalanýǵa arnalǵan taýarlarǵa qatysty keıbir máseleler týraly» Sheshimine (№1 qosymsha) sáıkes, jeke paıdalanýǵa arnalǵan taýarlardy bajsyz ákelý normalaryn odan ári tómendetý qarastyrylmaǵanyn eskerý qajet.

Sálemdemeniń qaıda ekenin «Qazposhta» AQ-nyń www.post.kz resmı saıtynan kórýge bolady.