Qazaqstanda halyqaralyq keńistikte qoldanylatyn qazaq álipbıi ázirlenedi
«Tilep Qobyz» saraıynda bastalǵan shara Ahmet Baıtursynuly álipbıiniń 100 jyldyǵyna oraı jáne QR Mádenıet jáne aqparat mınıstrliginiń bastamasymen onomastıka salasyna qatysty máselelerdi jetildirý maqsatynda uıymdastyryldy. Konferentsııa barysynda tilshi ǵalymdar men sala mamandarynyń pikirlerin negizge ala otyryp, halyqaralyq keńistikte qoldanylatyn qazaq álipbıin daıyndaý kózdelýde. Keıin, usynylǵan álipbı nusqalary mamandar talqysyna salynatyn bolady.
«Búgingi jahandyq úderisterden Qazaqstan da shet qalmaı, solardyń bel ortasynda júrýi tıis. Bul oraıda, til men jazý máselesi asa mańyzdy oryndy ıelenedi. Sondyqtan, qazaq tiliniń ózindik bolmysyn saqtaı otyryp, halyqaralyq keńistikte qamtamasyz etýge ıkemdi qazaq grafıkasyn daıyndaý, ony búkil qoǵam talqysyna sala otyryp, bekitý - elimiz úshin mańyzdy másele», - deıdi Til komıteti tóraǵasynyń orynbasary, f.ǵ.d., professor Sherýbaı Qurmanbaıuly.
Ǵylymı-praktıkalyq konferentsııaǵa Qazaqstan Respýblıkasy Úkimetiniń janyndaǵy Memlekettik onomastıka komıssııasynyń músheleri, belgili ǵalymdarmen qatar oblystyq tilderdi damytý basqarmalarynyń bastyqtary, joǵarǵy oqý oryndarynyń professor-oqytýshylar quramy qatysýda. Іs-sharada atalǵan taqyrypqa baılanysty ózekti baıandamalar tyńdalyp, onomastıka, qazaq grafıkasy salasyndaǵy mamandardyń pikirleri men usynystary nazarǵa alynady. Konferentsııa qorytyndysy boıynsha arnaıy jınaq shyǵarý josparlanǵan.
