Qazaqstanda halyqaralyq bala urlaýǵa qatysty 4 qylmystyq is qozǵalǵan
ASTANA. 3 qazan. QazAqparat - Qazaqstanda halyqaralyq bala urlaýǵa qatysty sońǵy 10 jylda 4 qylmystyq is qozǵaldy.
Bul týraly búgin QR Parlamenti Májilisiniń jalpy otyrysynda «Balalardy halyqaralyq urlaýdyń azamattyq-quqyqtyq aspektileri týraly konventsııany ratıfıkatsııalaý týraly» zań jobasyn talqylaý barysynda Іshki ister mınıstri Qalmuhanbet Qasymov málim etti.
«Statıstıkalyq málimetterge súıensek, sońǵy on jylda balalardy halyqaralyq urlaýǵa qatysty 4 qylmystyq is qana qozǵaldy. Onyń ishinde oqıǵalardyń basym bóligi negizinen ata-analary ózara kelisimdersiz balalardy shetelge áketýden týyndaıdy. Sonymen qatar, oryn alǵan faktiniń bireýi boıynsha balany Reseıge, al eki jaǵdaıda Qyrǵyzstanǵa alyp ketpek bolǵany tirkelgen edi. Budan bólek, 2007 jyly bizdiń elimizde Qyrǵyz eliniń azamaty eki balany keıinnen aqsha bopsalamaq maqsatta urlap alyp ketip, shekara aspaı ustalǵan edi. Sol boıynsha álgi azamatqa qylmystyq is qozǵalyp, balalar qaıtaryp alynǵan bolatyn», - dedi mınıstr Qalmuhanbet Qasymov.
Esterińizge sala keteıik, búgin Májilis atalǵan konventsııany maquldap, qujatty Senatqa joldaǵan bolatyn.
