Qazaqstanda halyqaralyq avtomobıl júk tasymaly jeńildeıdi
ASTANA. QazAqparat - Qazaqstanda avtokólikpen halyqaralyq tasymaldardy júzege asyrýǵa ruqsat kýálikterin berý memlekettik qyzmeti jedeldetiledi, dep habarlaıdy QazAqparat tilshisi.
«QR IDM Kólik komıtetinde vedomstvo basshysynyń avtokólik salasynda memlekettik qyzetterdi bekitýge qatysty 2018 jylǵy 18 maýsymynan № 454 buıryǵy bekitildi. Qujatqa sáıkes halyqaralyq avtomobıl tasymaldaryn júzege asyrýǵa ruqsat kýáligi men avtokólik quraldaryna ruqsat kartochkasyn berý memlekettik qyzmetin kórsetýdiń elektrondyq formasy engiziledi. Ol qaǵaz júzindegi formamen qatar kórsetiledi», - delingen atalǵan vedomstvo málimetinde.
Sondaı-aq komıtet aqparatyna sáıkes, munan basqa memlekettik qyzmetterdi kórsetý merzimi 3-ten 2 jumys kúnine deıin qysqartylǵan. Buıryq QR Ádilet mınıstrligine memlekettik tirkeýge joldandy.
