Qazaqstanda Halyqaralyq aýyl sharýashylyǵy ǵylymı-zertteý ortalyǵy qurylady
ASTANA. 23 qarasha. QazAqparat /Arman Asqarov/ - Elbasy tapsyrmasymen Qazaqstanda Halyqaralyq aýyl sharýashylyǵy ǵylymı-zertteý ortalyǵyn qurýdy josparlap otyrmyz.
Bul týraly búgin «Bnews.kz» aqparattyq portalynyń negizinde ótken Internet konferentsııa barysynda «QazAgroInnovatsııalar» AQ prezıdenti Serik Kenenbaev málim etti.
Atalǵan qurylym Astyq sharýashylyǵy ǵylymı-óndiristik ortalyqtyń negizinde ashylatyn bolady. Onda aýyl sharýashylyǵy salasyndaǵy ozyq oıly ǵalymdar qyzmet etip, zamanaýı zerthanalardyń negizinde is-tájirıbeler júrgizedi. Sondaı-aq atalǵan ortalyqta jas mamandardyń bilimderin shyńdap, arnaıy daıyndyqtan ótkizý josparlanǵan.
«Búgingi tańda ortalyqtyń tehnıkalyq-ekonomıkalyq negizdemesi ázirlenýde. Bul ortalyqta jetekshi ǵalymdar jumys isteıtin bolǵandyqtan, onda barlyq tehnıkalyq qural-jabdyqtar qoıylady», - deıdi S.Kenenbaev.
