Qazaqstanda halyq sany ósip keledi - QR Statıstıka agenttigi
ASTANA. Tamyzdyń 7-si. QazAqparat /Marlan Jıembaı/ - Aǵymdaǵy jylǵy shildeniń 1-indegi jaǵdaıǵa sáıkes respýblıkanyń halyq sany 112,8 myń adamǵa ósti.
Alǵashqy jartyjyldyqtaǵy aldyn ala málimetter boıynsha halyqtyń jalpy sany 16,149 mıllıon adamdy quraıdy. Bul týraly QR Statıstıka agenttiginiń baspasóz qyzmeti habarlady.
Statıstıka agenttiginiń málimetterine sáıkes halyq sanynyń ósimi Ońtústik Qazaqstan oblysynda - 26,2 myń (oblys halqynyń sany 2,46 mıllıon), Astanada - 21,9 myń (705,9 myń), Almatyda - 15,3 myń (1,42 mıllıon), Almaty oblysynda - 14,4 myń (1,7 mıllıon), Mańǵystaý oblysynda 9,8 myń (456,1 myń) adamdy qurap otyr.
Sonymen qatar birqatar oblystardyń turǵyndary sanynyń kemý úrdisi de baıqaldy. Máselen, Soltústik Qazaqstan oblysy - 1,6 myń, Aqmola oblysy - 953, Qostanaı oblysy 763 adamǵa kemigen.
