Qazaqstanda halyq sany bir jylda 239,2 myń adamǵa artty - UEM

ASTANA. QazAqparat - 2016 jyldyń 1 maýsymyndaǵy málimetpen salystyrǵanda bıyl halyq sany 239,2 myń adamǵa nemese 1,3% ósti, dep habarlaıdy QR Ulttyq ekonomıka mınıstrliginiń baspasóz qyzmeti.

2017 jylǵy qańtar-mamyrdaǵy Qazaqstan Respýblıkasynyń demografııalyq ahýaly týraly  málimetter jarııa etildi. Málimetterge sáıkes, 1 maýsymda  elimizdegi halyq sany 18 014,2 myń adamdy qurady, sonyń ishinde qalalyqtar - 10 358,0 myń (57,5%), aýyldyqtar - 7 656,2 myń adamdy (42,5%).

AHAT organdary usynǵan azamattyq hal aktileri jazbalaryndaǵy málimetterdi óńdeý nátıjesinde, 2017 jylǵy qańtar-mamyrda týǵandar sany 155,4 myń adam, bul 2016 jylǵy atalǵan kezeńge qaraǵanda 6,2% az. Týýdyń jalpy koeffıtsıenti 1 myń adamǵa shaqqanda 20,83 sábıden keledi.

2017 jylǵy qańtar-mamyrda respýblıka halqynyń tabıǵı ósimi 2016 jylǵy qańtar-mamyrmen salystyrǵanda 9,9 myń adamǵa nemese 9,1% az. Tabıǵı ósimniń jalpy koeffıtsıenti 1 myń adamǵa shaqqanda 13,37 adamdy qurady.

2016 jylǵy qańtar-mamyrmen salystyrǵanda 1 jasqa deıingi shetinegen náreste sany 16,8% azaıdy.

Kóshi-qon qyzmeti organdary usynǵan málimetterdi óńdeý nátıjesinde, 2017 jylǵy qańtar-mamyrda elimizge turǵylyqty turýǵa kelgenderdiń tirkelý sany 2016 jylǵy qańtar-mamyrmen salystyrǵanda 36,3% kóbeıip, 7 204 adamdy qurady. Elimizden ketken kóship-qonýshylardyń tirkelý sany 4,0% kóbeıip, 10 975 adamdy qurady, kóshi-qonnyń aıyrymy -3 771 adam boldy.

Elimizdegi negizgi kóshi-qon almasýy TMD memleketterimen bolýda.

• TMD elderinen kelgenderdiń úlesi 68,9%;
• TMD elderge ketkenderdiń úlesi 87,7% qurady.

Óńiraralyq kóship-qonýshylardyń úlesine elimizdiń jalpy ishki kóship-qonýshylar sanynyń 34,0% kurady. Óńiraralyq kóshi-qonnyń oń aıyrymy:

• Astana qalasy - 20 647 adam;
• Almaty qalasy - 9 698 adam;
• Aqmola oblysy - 1459 adam.