Qazaqstanda halyq sany 17 mln. 330 myń adamǵa jetti
ASTANA. QazAqparat - 2014 jylǵy qańtar-tamyzda elimizde halyq sany 169,7 myń adamǵa nemes 1 paıyzǵa ósti. Bul týraly búgin Astanadaǵy baspasóz máslıhatynda QR Ulttyq ekonomıka mınıstrligi Statıstıka komıtetiniń tóraǵasy Álıhan Smaıylov málim etti.
«Bıyl 1 qyrkúıektegi jaǵdaı boıynsha elimizdegi halyq sany 17 mln. 330,5 myń adamdy qurady. Sonyń ishinde qalalyqtar - 9 mln. 560,3 myń (55,2 paıyz), aýyldyqtar - 7 mln. 770,2 myń adamdy (44,8 paıyz) qurady. 2014 jylǵy qańtar-tamyzda elimizde halyq sany 169,7 myń adamǵa nemese 1 paıyzǵa ósti. 2013 jylǵy 1 qyrkúıektegi jaǵdaımen salystyrǵanda halyq sany 254,8 myń adamǵa nemese 1,5 paıyzǵa ósti», - dedi komıtet basshysy.
Onyń sózine qaraǵanda, AHAT organdary usynǵan málimetter boıynsha bıylǵy qańtar-tamyzda týǵandar sany 266,2 myńǵa jetip, 2013 jylǵy kezeńmen salystyrǵanda 5,1 myń adamǵa artty nemese 2 paıyzǵa ósti.
