Qazaqstanda «Halyk Ormany» jobasy aıasynda mıllıonynshy kóshet egildi

Aıtýly oqıǵa 2026 jylǵy 25 sáýirde, Memleket basshysy Qasym-Jomart Toqaevtyń ulttyq ekologııalyq kún tártibin qoldaý maqsatynda bastamashy bolǵan Jalpyulttyq aǵash egý kúni aıasynda ótti. Mereıli kóshetti Astananyń jasyl beldeýinde Astana IT University stýdenti otyrǵyzdy.

Bir mıllıon kóshet mejesine jetken joba 2026 jylǵy 22 sáýirde Astanada ótken RES 2026 EXPO alańynda halyqaralyq deńgeıde de moıyndaldy. «Turaqty damý jónindegi kún tártibiniń kóshbasshylary – qalalar men kompanııalar» paneldik sessııasynda  Halyk qaıyrymdylyq qory men Ekologııa jáne tabıǵı resýrstar mınıstrliginiń birlesken bastamasy orman ekojúıesin qalpyna keltirýge baǵyttalǵan júıeli jumystyń, sondaı-aq, memleket, kásip jáne qoǵam arasyndaǵy tıimdi áriptestiktiń úlgisi retinde atap ótildi.

Sammıttiń iskerlik baǵdarlamasymen qatar, joba naqty iske asyrylýyn jalǵastyrdy. Bıyl «Halyk Ormany» jobasynyń kóktemgi otyrǵyzý maýsymy Astananyń jasyl beldeýinde bastaldy. Sondaı-aq kóshetter «Semeı ormany» memlekettik orman tabıǵı rezervaty men Іle-Alataý memlekettik ulttyq tabıǵı parkiniń aýmaǵynda da otyrǵyzyldy.

Halyk qaıyrymdylyq qory bastamashy bolǵan «Halyk Ormany» jobasy Qazaqstannyń orman qoryn qalpyna keltirýge baǵyttalǵan eń iri ekologııalyq bastamalardyń birine aınaldy. Joba iske qosylǵan sátten bastap eldiń úsh óńirinde 240 gektar aýmaqqa 800 myńnan asa kóshet egildi. Al kóktemgi maýsym qorytyndysy boıynsha bul kórsetkish bir mıllıonnan asty.

«Halyk Ormany» Qazaqstandaǵy ekologııalyq bastamalardyń jańa úlgisin qalyptastyryp otyr. ıAǵnı joba bir rettik aktsııamen shektelmeı, naqty nátıjesi ólshenetin júıeli ári uzaq merzimdi jumysqa negizdelgen.

Bul jumystar Halyk qaıyrymdylyq qorynyń keń aýqymdy ekologııalyq baǵytynyń bir bóligi sanalady. Qordyń bul saladaǵy jumysy úsh negizgi ustanymǵa negizdelgen: ómir sapasyn arttyrý, taza aýa jáne turaqty damý. Basty maqsat – adamdardyń jaıly ortada ómir súrýine múmkindik jasaý. 

2026 jyly jobaǵa jańa seriktester qosyldy. Olardyń qatarynda FlyArystan áýe kompanııasy men EUROBAK Eýropalyq bıznes-qaýymdastyǵy bar. Osy áriptestik aıasynda qosymsha 55 gektar jerge 190 myń kóshet otyrǵyzý josparlanyp otyr.

Halyk qory jobanyń bastamashysy ǵana emes, ony úılestirip otyrǵan negizgi uıym retinde de jumys isteıdi. Qor ekologııalyq kún tártibi aıasynda memleket, bıznes jáne qoǵamnyń birlesip áreket etýine múmkindik beretin turaqty alań qalyptastyryp otyr. Sonyń arqasynda bastamaǵa eriktiler, stýdentter, kásipkerler men qoǵamdyq uıymdar belsendi qatysyp jatyr. Kóktemgi aǵash egý jumystaryna Astana IT University stýdentteri, NNEF qoǵamdyq qorynyń qoldaýymen «Mıras» mektebiniń oqýshylary, Halyk Bank qyzmetkerleri, sondaı-aq, óńir turǵyndary atsalysty.

- Bul - men úshin zor maqtanysh. Biz bul bastamaǵa jaı ǵana aǵash egý úshin emes, el bolashaǵyna beıjaı qaramaıtyn azamat retinde keldik. Tabıǵatty qorǵaý árqaısymyzdyń boryshymyz, - dedi mıllıonynshy kóshetti ekken Astana IT University stýdenti Asyljan Abdýllaev.

Halyk qaıyrymdylyq qorynyń bas dırektory Saǵynbek Shúnkeevtiń aıtýynsha, joba uzaq merzimge josparlanǵan.

- Jobanyń basty maqsaty - bes jyl ishinde 9 mıllıon kóshet pen shybyq egý. Mıllıonynshy kóshet bıylǵy alǵashqy mańyzdy beles. Biz osy baǵyttaǵy júıeli jumysymyzdy jalǵastyra beremiz. Ásirese, Ekologııa mınıstrligimen birge qolǵa alǵan bastamamyzǵa halyqaralyq jáne otandyq uıymdardyń qoldaý bildirip jatqany kóńil qýantady, - dedi ol.

Aıta keteıik, «Halyk Ormany» jobasy 2025 jylǵy kúzde Halyk qaıyrymdylyq qory men Ekologııa jáne tabıǵı resýrstar mınıstrligi arasynda yntymaqtastyq týraly memorandýmǵa qol qoıylǵannan keıin bastaý alǵan. Memorandým aıasynda qor 1 mlrd teńge bólip, «Semeı ormany» memlekettik tabıǵı rezervaty, Іle-Alataý ulttyq tabıǵı parki jáne elordanyń «Jasyl aımaq» jasyl beldeýi aýmaqtarynda 9 mıllıonnan asa aǵash egýdi josparlap otyr.

Osylaısha, «Halyk Ormany» jaı ǵana ekologııalyq joba emes, eldiń uzaq merzimdi damý baǵyty jolynda memleket, bıznes jáne qoǵamdy biriktiretin turaqty alańǵa aınalyp keledi.