Qazaqstanda halyqtyń qansha paıyzy temeki shegetini belgili boldy
ASTANA.KAZINFORM - 2026 jyldyń qańtarynda Ulttyq statıstıka bıýrosy eresek turǵyndar arasynda temekini tutyný týraly kezekti jyl saıynǵy saýalnama júrgizdi.
Saýalnama respýblıkanyń barlyq oblysyn, sondaı-aq, Astana, Almaty jáne Shymkent qalalaryn qamtydy. Oǵan 15 jastan asqan 12 000 úı sharýashylyǵynyń bir múshesi qatysty.
Nátıjeler kórsetkendeı, zerttelgen úı músheleriniń jalpy sanynan qazirgi ýaqytta halyqtyń 15,1% temeki shegedi, 2025 jylmen (17,5%) salystyrǵanda 2,4 p.t. tómen.
Aýyldyq jerlerde temeki tutynatyndardyń úlesi - 17,8%, qalalyq jerlerde 14,0%. Temeki tutynatyndar arasynda erler 30,5%, al áıelder - 4,9%.
Temeki tutynatyn halyqtyń jalpy sanynyń 98,6% ónerkásipte shyǵarylǵan temeki túrin shegedi, 0,4% elektrondy temekiler, 0,9% «IQOS», «GLO» tárizdi temekini qyzdyrý qurylǵysyn, 0,1% temeki ónimderiniń basqa túrlerin tutynady.
Aıta keteıik, Qazaqstannyń Qarjy mınıstrligi temeki ónimderiniń eń tómengi bólshek saýda baǵasyn kóterýdi kózdeıtin buıryq jobasyn ázirledi.
UQK Shekara qyzmeti temeki kontrabandasynyń iri partııasyn anyqtady.
