Qazaqstanda halyqaralyq «Astyq - 2025» konferentsııasy ótedi
ASTANA. KAZINFORM - 2025/2026 jańa astyq maýsymy qarsańynda Qostanaı oblysyndaǵy jetekshi agroqurylymdardyń biriniń egis alqaptarynda halyqaralyq «Astyq - 2025» astyq konferentsııasy ótedi.
Aýyl sharýashylyǵy mınıstrligi málimetinshe, atalǵan is-shara alǵash ret bir alańda astyq, burshaq jáne maıly daqyldardy ósirýge mamandanǵan 500-den astam aýyl sharýashylyǵy taýaryn óndirýshini, sondaı-aq aýyl sharýashylyǵy ónimderin qaıta óńdeý jáne ótkizý salasyndaǵy kásiporyndardy biriktiredi. Konferentsııa 31 shilde – 1 tamyz aralyǵynda ótetin «Jańa Dala / Qarqyn ‘2025» halyqaralyq aýyl sharýashylyǵy kórme-demonstratsııasy aıasynda, «Vostok-1» JShS jáne «Agrofırma Qarqyn» JShS demonstratsııalyq alqaptarynda uıymdastyrylady.
Qatysýshylar qatarynda Qazaqstan men sheteldiń jetekshi agroóndirýshileri, sondaı-aq Ózbekstannyń «Ýzegmoısanoat» maı-tońmaı ónerkásibi kásiporyndary qaýymdastyǵynyń ókilderi bolady.
— Konferentsııanyń basty qundylyǵy – ol alǵash ret astyq naryǵynyń negizgi qatysýshylaryn, ıaǵnı salanyń naqty erejelerin qalyptastyratyn tulǵalardy bir jerge jınaıdy. Bul is-shara Qazaqstan men Ózbekstan arasyndaǵy iskerlik baılanystardy nyǵaıta otyryp, jańa seriktestikterge serpin beredi, - dedi uıymdastyrýshy EXPO TIME kompanııasynyń dırektory Adılhan Sagımbaev.
Konferentsııanyń basty ereksheligi — onyń erekshe formatta ótkizilýinde: barlyq ınfraqurylym — konferents-zaldardan bastap pavılondar men tamaqtaný aımaǵyna deıin — egis alqaptarynyń ózinde, óndiristik jaǵdaıǵa barynsha jaqyn ortada ornalasady.
Bul — buǵan deıin kóbine iri qalalardaǵy qonaqúılerde ótken sharýalardyń iskerlik kezdesýleriniń jańa úlgisi bolmaq.
«Astyq 2025» qatysýshylary astyq saýdasyndaǵy ózekti trendterdi talqylap, óndirý men qaıta óńdeýdegi ozyq tehnologııalardy zerdelep, ózge elderden kelgen áriptesterimen tájirıbe almasa alady.
Astyq qory ishki qajettilikti tolyq qamtamasyz etip, eksportty ulǵaıtýǵa múmkindik beretinin jazǵan bolatynbyz.