Qazaqstanda halyq sanynyń ósýi eń optımıstik boljamnyń ózinen asyp tústi - Erlan Qarın
Qazaqstan halyq sanynyń ósýi jaǵynan eń optımıstik boljamnyń ózinen asyp tústi, dep jazdy Qazaqstan Respýblıkasynyń Memlekettik keńesshisi Erlan Qarın Telegramdaǵy arnasynda.
"Búgin Prezıdent Qasym-Jomart Toqaev Qazaqstan halqynyń sany 20 mln adamǵa jetkenin málim etti. Halyqaralyq jáne otandyq sarapshylardyń jaqyn aradaǵy boljamy boıynsha, mundaı kórsetkishke, eń jaqsy nátıje kórsetkenniń ózinde 2024 jyly jetýimiz kerek edi.
BUU-nyń 2017 jylǵy qujatynda Qazaqstannyń halyq sany 2030 jyly 20,301 mln adamǵa jetedi dep boljanǵan. Keıinirek, ıaǵnı 2019 jyly BUU 2030 jyly halyq sany 20,639 adam bolýy múmkin dep kórsetti" dep jazady Qazaqstan Respýblıkasynyń Memlekettik keńesshisi.
Eń keıingi joramaldardyń ózinde turǵyndar sanynyń ósýine qatysty boljam basqa bolǵan eken.
"Máselen, 2022 jyly Eńbek resýrstaryn damytý ortalyǵy eń jaqsy nátıje kórsetkenniń ózinde Qazaqstan halqynyń sany 2024 jyly 20,312 adamǵa nemese nashar kórsetkish bolsa 2025 jyly 20,083 mln adamǵa jetedi dep boljaǵan. Degenmen týý deńgeıi ósip, ómir súrý uzaqtyǵy artyp, ólim sany azaıǵannyń arqasynda Qazaqstan halyq sanynyń ósýi jaǵynan eń optımıstik boljamnyń ózinen asyp tústi", - dep jazdy Erlan Qarın.
