Qazaqstanda «Ǵylymnyń kommertsıalızatsııasy týraly» zań bıyl qabyldanýy yqtımal
ASTANA. QazAqparat - Qazaqstanda «Ǵylymnyń kommertsıalızatsııasy týraly» zań jobasy bıyl qabyldanýy yqtımal. Bul týraly búgin Ortalyq kommýnıkatsııalar qyzmetinde ótken brıfıngte QR Bilim jáne ǵylym mınıstrligi ǵylym komıtetiniń tóraǵasy Sansyzbaı Joldasbaev málim etti.
«Memleket Basshysy bul zańdy 2015 jyly qabyldaýdy júktegen bolatyn. Qazirgi ýaqytta zań jobasyn Ádilet mınıstrliginiń vedomstvoaralyq komıssııasy qaraýda. Bizde jumys komıssııasy quryldy. Jalpy, zań jobasy daıyn tur. Ádilet mınıstrliginiń zań jobasy jumystaryna engizý týraly sheshimin kútip otyrmyz. Barlyq salalyq organdarmen jáne múddeli taraptarmen jumysty úılestirip, jobany qabyldaý ǵana qaldy. Bıyl ony qabyldaýymyz kerek, sebebi ol bizge óte qajet bop tur», - dep atap ótti ol.
Onyń sózine qaraǵanda, ǵylymı zertteýlerdiń tıimdiligi máselesi joǵary deńgeıge ótýi úshin arnaıy zańnyń bolǵany asa qajet.
«Ǵylym men bıznes qaýymdastyqtyń arasyndaǵy qarym-qatynastardy retteıtin zańdyq normalar kerek. Bizde ǵylymı zertteýler óte kóp. Biraq, olar óndiriske shyǵa almaı otyr. Sebebi, ony retteıtin zań men normatıvtik aktiler joq»,- dedi S. Joldasbaev.
