Qazaqstanda ǵylymı jobalar qalaı irikteledi
ASTANA. QazAqparat - 2018-2020 jyldarǵa arnalǵan ǵylymı-tehnıkalyq baǵdarlamalardy qarjylandyrý konkýrsy aıaqtaldy. Búgin QR BǴM Ǵylym komıtetiniń tóraǵasy Bolatbek Ábdirásilov bıylǵy irikteýdiń qalaı ótkenin aıtyp berdi, dep xabarlaıdy QazAqparat tilshisi.
Komıtet basshysynyń aıtýynsha, jobalardy irikteý jumysymen ulttyq ǵylymı keńester aınalysady. Keńesterdiń quramyna mınıstrliktiń ókilderi kirmeıdi. Negizgi músheleri - ǵalymdar men kásipkerler. "Búgin biz ulttyq ǵylymı keńesterdiń sońǵy qorytyndysyn bekittik. Barlyq aqparatty Ǵylym komıtetiniń resmı saıtynan tabýǵa bolady. Sondaı-aq, memlekettik ǵylymı-texnıkalyq saraptama ortalyǵynyń saıtynda biz jobalardy talqylaý kezindegi otyrystardyń vıdeosyn da júktep qoıdyq. Ony da ashyp, keńesterdiń jumysyn kórýge bolady. Aıta keter jáıt, ulttyq ǵylymı keńesterdiń músheleri qupııa túrde daýys berdi. Sonyń arqasynda táýelsiz sheshimder qabyldandy dep oılaımyz. Konkýrs qorydyndysymen kelispeıtinder bolsa, keńes tóraǵalaryna tikeleı shyǵyp, shaǵym túsire alady. Bári ashyq, telefondary kórsetilgen. Oǵan qosa, Ulttyq ǵylym akademııasy janynan ǵylymı etıka boıynsha arnaıy keńes quryldy. Ol da óz tóreshiligin jasaıdy", - dedi B.Ábdirásilov.
Resmı málimetke sáıkes, 2018-2020 jyldarǵa arnalǵan ǵylymı-tehnıkalyq baǵdarlamalardy qarjylandyrýǵa arnalǵan konkýrs granttyq jáne baǵdarlamalyq-nysanaly qarjylandyrýdy kózdeıdi. Granttyq qarjylandyrý boıynsha 4675 ótinim túsken bolatyn. Sonyń ishinen 1096-sy joba irikteldi. Qarjylandyrýdyń jalpy sommasy - 9,5 mlrd teńge. Al baǵdarlamalyq-nysanaly qarjylandyrý boıynsha 415 ótinim túsken edi. Sonyń 93-in irikteldi. Bunyń barlyǵy - iri jobalar. Qarjylandyrýdyń jalpy sommasy 7,9 mlrd teńgeni qurap otyr. Endi, atalǵan jobalar Úkimet janyndaǵy Joǵarǵy ǵylymı-texnıkalyq komıssııanyń qaraýynan ótýi tıis.
Aıta keteıik, konkýrs eki kezeńnen turady. Aldymen memlekettik ǵylymı-texnıkalyq saraptama jasalady. Sońynda ulttyq ǵylymı keńesterdiń talqylaýnynan ótedi. Búginde 7 baǵyt arnaıy ulttyq ǵylymı keńes bar. Atap aıtqanda, Tabıǵı resýrstardy utymdy paıdalaný, onyń ishinde sý resýrstary, geologııa, qaıta óńdeý, jańa materıaldar jáne tehnologııalar, qaýipsiz buıymdar men konstrýktsııalar jónindegi komıssııa, Energetıka jáne mashına jasaý jónindegi komıssııa, Jaratylystaný ǵylymdary salasyndaǵy aqparattyq, telekommýnıkatsııalyq jáne ǵaryshtyq tehnologııalar, ǵylymı zertteýler jónindegi komıssııa, Ómir men densaýlyq týraly ǵylym komıssııasy, «Máńgilik El» ǵylymı negizderi jónindegi komıssııa, Agroónerkásiptik keshendi turaqty damytý jáne aýyl sharýashylyǵy ónimderiniń qaýipsizdigi jónindegi komıssııa, sondaı-aq, Ulttyq qaýipsizdik jáne qorǵanys jónindegi komıssııa.
