Qazaqstanda ǵylymı qyzmetkerler jetispeıdi – Saıasat Nurbek

NUR-SULTAN. QazAqparat – Elimizdiń ǵylymı-zertteý ınstıtýttarynda jumys isteıtin mamandar tapshy. Bul týraly Ǵylym jáne joǵary bilim mınıstri Saıasat Nurbek málimdedi, dep habarlaıdy QazAqparat tilshisi.

«Bizde qazir ǵylymı kadrlar jetispeıdi. Eger Táýelsizdik alǵan jyldary 52 myńǵa jýyq ǵylymı qyzmetker bolǵan. Odan beri biz 35 myń mamannan aıryldyq. Qazir elimizdegi joǵary oqý oryndary bazasyndaǵy ǵylymı-zertteý ınstıtýttarynda 22 myń ǵylymı qyzmetker jumys isteıdi. Bizdiń mindetimiz - jastardy qoldanbaly ǵylymǵa tartý», - dedi mınıstr.

Sondaı-aq vedomstvo basshysy ǵylymdy qarjylandyrý júıesi qaıta qaralatynyn aıtty.

«Kóp bolmasa da, ǵylymǵa aqsha bólinedi. Biraq olardyń nátıjesi tıimdi emes. Ony biz moıyndaımyz. Ǵylymǵa qarajat bólingesin, ony óndiriske engizý qajet. Sondyqtan biz qarjylyq jáne uıymdastyrý modelin qaıta qaraýymyz kerek», - dep josparlarymen bólisti Saıasat Nurbek.

Eske salaıyq, buǵan deıin mınıstr endi joǵary oqý oryndary men kásiptik bilim beretin uıymdar jańa oqý baǵdarlamasyn boljamsyz jasaı aılmaıtynyn málimdedi. Saıasat Nurbektiń pikirinshe, bilim ordalary eńbek naryǵyndaǵy maman tapshylyǵy máselesin eskerýi tıis.