Qazaqstanda ǵylymı ınstıtýttardy qarjylandyrý erejesi ázirlenip jatyr

NUR-SULTAN. QazAqparat – Elimizde ǵylymı mekemelerdi irikteý men qarjylandyrý erejesi ázirlenip jatyr. Bul týraly QR Bilim jáne ǵylym mınıstrligi Ǵylym komıtetiniń tóraǵasy Janna Qurmanǵalıeva málim etti, dep habarlaıdy QazAqparat tilshisi.

«Bizde ǵylymmen aınalysatyn ınstıtýttardy qarjylandyrylý máselesi de bar. Bul aldymen áleýmettik-gýmanıtarlyq zertteýlerge qatysty. ıAǵnı til, tarıh, mádenıet, ádebıet, fılosofııa, arheologııa salasyndaǵy ǵylymı zertteýlerdi kommertsııalandyrý múmkindigi. Atalǵan sala boıynsha zertteý jobalary azdyqty qurasa da, onyń el bolashaǵy men ulttyq biregeılikti saqtap, damytýda mańyzy zor. Sondyqtan da olar tikeleı memlekettik qoldaýdy talap etedi. Bul týraly byltyr Ulttyq qoǵamdyq senim keńesiniń otyrysynda Memleket basshysy ǵylymı-zertteý ınstıtýttaryn tikeleı qarjylandyrý tártibin engizýdi tapsyrǵan bolatyn. Alaıda bul máseleni ǵylym týraly zańnamany ózgertpeı sheshý múmkin emes edi», - dedi Janna Qurmanǵalıeva OKQ-de ótken baspasóz máslıhatynda.

Onyń aıtýynsha, búginde ǵylymı mekemelerdi qarjylandyrý erejesi ázirlenip jatyr

«Memleket basshysy naqty tapsyrma berdi jáne ol ózekti. Osy oraıda búginde bizdiń mınıstrlik ǵylymı ınstıtýttardy irikteý men qarjylandyrýdyń aıqyn ári ashyq erejesin ázirleýge kiristi. Árıne bul jumys búkil ǵylymı qaýymdastyqpen birlese júrgiziletin bolady», - deıdi ol.

Sondaı-aq, komıtet basshysy elimizde ǵylymdy granttyq qarjylandyrý merzimin bes jylǵa deıin uzartý máselesi oń sheshim tapqanyn jetkizdi. Buǵan deıin J.Qurmanǵalıeva otandyq ǵalymdar ortasha qansha jalaqy alatynyn aıtty.