Qazaqstanda ǵylymdy damytýǵa bólinetin qarajat kólemi ósedi
«Ótken jyly Ulttyq ǵylymı keńestiń quramy jańartylyp, jumysynyń jańa qaǵıdalary bekitilgen bolatyn. Jobalardyń ekonomıkalyq saraptamasy men Ulttyq ǵylymı keńes baldaryn saralaý rásimi, memlekettik ǵylymı-tehnıkalyq saraptama engizildi. 2021 jyly alǵash ret ǵylymı uıymdardy jańǵyrtýǵa 2,8 mlrd teńge kóleminde qarajat bólindi. Bul 22 ǵylymı-zertteý ınstıtýtynyń materıaldyq-tehnıkalyq bazasyn nyǵaıtýǵa múmkindik berdi», - delingen mınıstolik málimetinde.
Qysqa ýaqyt ishinde bıologııalyq qaýipsizdik ǵylymı-zertteý ınstıtýtynyń ǵalymdary óte mańyzdy jumys júrgizip, birden bes vaktsınany ázirlep shyqty. Olardyń alǵashqy ekeýi klınıkaǵa deıingi jáne klınıkalyq synaqtardan sátti ótip jatyr. Otandyq vaktsınalar óndirisin iske qosý úshin GMP-niń barlyq talabyna sáıkes keletin zaýyt salynyp jatyr.
«Ǵylymdy qarjylandyrýdy odan ári ulǵaıtý josparlanyp otyr. Ǵylymǵa arnalǵan shyǵyndar 2025 jylǵa qaraı JІÓ-niń 1 paıyzyna deıin ósedi. Bul qazaqstandyq ǵylymnyń damýyna jańa serpin beredi», - dep atalyp ótken vedomstvo habarlamasynda.