Qazaqstanda ǵylymdy basqarýdyń jańa modelinde basty tulǵa ǵalymnyń ózi bolady - B. Jumaǵulov
ATY. 22 sáýir. QazAqparat /Názıra Eleýhan/ - Tuńǵysh ret Qazaqstan táýelsizdiginiń 20 jyldyǵy ishinde elimizde bizdiń ekonomıkamyzǵa ǵylymı zertteýlerdi engizýdiń jańa tetikterin belgilegen «Ǵylym týraly» jańa zań qabyldandy.
Bul týraly búgin Almatyda S.Asfendııarov atyndaǵy QazUMÝ-de ótken konferentsııada Bilim jáne ǵylym mınıstri Baqytjan Jumaǵulov aıtty.
Onyń aıtýynsha, keshe Astanada ótken joǵarǵy ǵylymı-tehnıkalyq komıssııanyń májilisinde zańnyń iske asyrýdaǵy barlyq tetikteri talqylanǵan. "Ǵylym damýynyń basty basymdyqtary aıqyndaldy. Ulttyq ǵylymı keńestiń quramy da bekitildi. Qazaqstanda ǵylymdy basqarýdyń jańa modeli shyndyqqa aınalýda, al onyń bas tulǵasy - ǵalymdardyń ózderi bolmaq. Qarajattardy jumsaý quqyǵy ǵalymdardyń ózderine beriletin bolady. Ekinshi jańashyldyq - endi Ǵylymı keńestiń ózi zertteýlerdiń basymdylyqtary men onyń damýyn anyqtaıtyn bolady", - dep atap ótti Baqytjan Jumaǵulov.
Konferentsııa barysynda «zertteýshi ýnıversıtetter» sanatyn engizýdiń mańyzdylyǵy atap ótildi. «Ol JOO-lar elimizdegi bilim jáne ǵylym úderisiniń kóshbasshylary bolýlary tıis. Olar arnaıy úkimettiń bekitilgen, maqsatty baǵdarlamalarymen damıtyn bolady. Osy oqý oryndarynyń qarjylandyrýy memleket bıýdjetinen qarastyryldy», - dedi mınıstr.
Onyń aıtýynsha, aldaǵy ýaqytta JOO-da ınnovatsııalyq qyzmet kúsheıtiletin bolady.
Konferentsııa jumysyna Ulttyq QR Ulttyq ýnıversıtetteriniń rektorlary, respýblıkalyq ǵylymı-zertteý ınstıtýttarynyń dırektorlary, QR Ǵylym akademııasynyń akademıkteri, jalpy sany 1700-den asa adam qatysty.
Búgin konferentsııa aıasynda QR UǴA akademıgi Altynbek Raqyshevti 80 jyldyq mereıtoıymen quttyqtaý sharasy ótti.
