Qazaqstanda ǵylym salasyndaǵy etıkalyq retteý standarttary ázirlenýde
ASTANA. QazAqparat - Qazaqstanda ǵylym salasyndaǵy etıkalyq retteý standarttary ázirlenýde. Bul týraly búgin «Memlekettik ǵylymı-tehnıkalyq saraptama ulttyq ortalyǵy» AQ-nyń prezıdenti Asanbaı Jumabekov aıtty.
Onyń sózine qaraǵanda, qazirgi ýaqytta elimizdiń Bilim jáne ǵylymı mınıstrligi kóptegen granttar men jobalardy jáne baǵdarlamalardy qarjylandyrýda. Al atalǵan eńbekter jarııalanym túrinde ǵylymı ortaǵa taralatyn bolady.
«Eger bul nátıjeler kommertsııalyq sıpatta bolatyn bolsa, onda ol patenttelip, jarııalanady. Biz joba avtorlaryna óz eńbekterin reıtıngi jaqsy, halyqaralyq ǵylymı jýrnaldarǵa jarııalaýdy ótinemiz. Eger etıkalyq sıpattaǵy máseleler týyndaıtyn bolsa, onda bul Qazaqstannyń barsha ǵylymı qoǵamdastyǵynyń abyroı-bedeline áser etedi», - dedi A.Jumabekov.
Ortalyq basshysynyń atap ótýinshe, etıkalyq sıpattan týyndaǵan problemalar úshin álemdik ǵylymı qoǵamdastyq tarabynan nıettestik bolmasa, bul ǵylymnyń óziniń problemasyna aınalady.
«Sondyqtan etıka óte názik másele. Sol sebepti biz Bilim jáne ǵylym mınıstrliginiń bastamasymen ıÝNESKO-men etıkalyq retteý jáne zertteý qyzmeti salasyndaǵy túrli normalar men standarttardy ázirleýge kiristik», - dedi ol.
