Qazaqstanda ǵylym men bilim baǵytyndaǵy agroholdıng qurylady - A. Mamytbekov

ASTANA. QazAqparat - Qazaqstanda ǵylym men bilim baǵytyndaǵy agrarlyq holdıng qurylmaq. Bul týraly búgin Májilistegi Úkimet saǵatynda Aýyl sharýashylyǵy mınıstri Asyljan Mamytbekov osylaı málim etti.

Depýtattar saýalyna jaýap bere kele, mınıstr aýyl sharýashylyǵy sektoryn ǵylym men bilim salasyna ıntegratsııalaý máselesine de toqtaldy. «Biz osy baǵyttaǵy reforma máselesin kóterip kelemiz, agrarlyq ǵylymdy damytý tujyrymdamasy Memleket basshysy tarapynan qoldaý taýyp, belsendi qaralý ústinde. Bizdiń usynysymyzǵa dóp keletin tapsyrmalar berildi, oǵan sáıkes, agrarlyq máseleler boıynsha ǵylym men bilim berý kesheni qurylady», - dedi A. Mamytbekov.

Mınıstrdiń aıtýynsha, atalǵan holdıngtiń quramyna ýnıversıtetterden bastap, ǵylymı-zertteý ınstıtýttary, tájirıbesi mol sharýashylyqtar men oqý ortalyqtary shoǵyrlanatyn bolady. Agrarlyq ǵylymdy reformalaý týraly bundaı usynys osydan bir jyl buryn Úkimet basshysyna joldanǵan.

«QazAgroıınovatsııa» kompanııasy ózin-ózi tolyq joıyp boldy degenge men de tolyq kelisemin. Al joǵaryda atalǵan tujyrymdamaǵa sáıkes, osy kásiporyndy taratý qarastyrylady. Osyǵan oraı, biz mınıstrlik pen agrarlyq ǵylym arasyn eshqandaı deldaldarsyz-aq kúsheıtip, departamenttiń rólin arttyryp, sol qarjylandyrýdy tikeleı bere alar edik. Shyndyǵynda, «QazAgroınnovatsııa» osydan 7-8 jyl buryn quryldy, bıýdjettik komıssııa bólip bergen bıýdjet qarajatyn alyp, mınıstrlik pen ǵylymı-zertteý ınstıtýttary arasyndaǵy «qatpar» qusap qurydan beker otyr», - dedi A. Mamytbekov.