Qazaqstanda gomoseksýaldyq qatynastardy túbirimen toqtatatyn zań qabyldanýy kerek - B. Smaǵul
ASTANA. 2 qazan. QazAqparat - Qazaqstanda gomoseksýaldyq qatynastardy túbirimen toqtatatyn zań jobasyn ázirlep, qabyldaý kerek. Búgin Parlament Májilisiniń jalpy otyrysynda Úkimet basshysynyń atyna saýal joldaǵan depýtat Baqytbek Smaǵul osylaı málim etti.
«Táýelsizdik alyp, ulttyq muramyzdy jańǵyrtyp, erteńimizge degen strategııalyq kózqarastarymyzdy qalyptastyryp jatqan búgingi kúni «demokratııalyq qundylyqtyr», «adam quqyǵyn qorǵaý» degen jeleýmen batys elderiniń trendterin jamylǵan qıturqy qubylystar bizdiń elde de oryn ala bastady. Búgingi tańda Eýropanyń birqatar elderi, onyń ishinde órkenıettiń ortalyǵy bolyp sanalatyn Frantsııa, Nıderlandy, Belgııa sekildi memleketter gomoseksýaldyq qatynastardy resmı túrde nekelik qatynastar sanatyna qosyp, zańmen bekitti. Al januıalyq qundylyqtardy memlekettiń otbasy saıasatynda bárinen joǵary qoıyp, ózderiniń ulttyq mentalıtetine baılanysty mundaı qatynastarǵa tyıym salatyn zańdardy Aýǵanstan, Malaızııa, Indonezııa, Ózbekstan elderi qabyldady. Búginde Reseı de atalmysh taqyrypty qatańdatatyn zańdy qabyldap jatyr», - deıdi B.Smaǵul.
Depýtattyń pikirinshe, Qazaqstannyń ulttyq ıdeologııasyn qalyptastyrǵanda ult bolashaǵyn otbasydan tys qarastyrý áste múmkin emes. Bul rette «Otan - otbasynan bastalady» degen qaǵıdatty tárbıege súıený kerektigin aıtqan B.Smaǵul otbasy ınstıtýtynyń mańyzdylyǵyna da toqtaldy. Onyń aıtýynsha, gomoseksýaldyq qatynastar ashyq nasıhattalsa, onyń otbasy ınstıtýtyn damytýǵa da kedergisi mol bolmaq. ıAǵnı, otbasy ınstıtýty mundaı sátte kóterilmeı, kerisinshe quldyraı túsedi.
«Ortalyq Azııadaǵy kóne órkenıetterdiń toǵysqan tusynda ornalasqan, Islam Yntymaqtastyq Uıymynyń belsendi múshesi sanalatyn Qazaqstanda bul úrdiske jol berý, elimizdiń ımıdjine de orasan zııan keltiredi. Budan bólek, adam sanasy túsinbeıtin nárseniń jetegindegi jaǵdaılardyń aldyn alý - bizdiń elimizdiń jahandyq álemnen tónetin qaýipterge qarsy ulttyq qundylyqtar júıesinen quralǵan ulttyq bolmysymyzdy qorǵaýǵa baǵyttalǵan naqty qadamdar bolmaq. Bul tusta «Neke jáne otbasy týraly» kodeksiniń 11-babyn kúsheıtý ǵana emes, gomoseksýaldyq qatynastardy túbirimen toqtatatyn zań jobasyn ázirlep, ondaı olqy qylyqqa jol bergen túngi klýbtardy jabý kerek», - dedi depýtat B. Smaǵul.
Sonymen qatar, depýtat adamı bolmysqa jat qatynastarǵa jol berip otyrǵan memleketterge de toqtalyp ótti. Onyń aıtýynsha, bir jynystaǵylardyń nekesine ruqsat berip otyrǵan memleketterdiń basym bóligi úlken bir eldiń «qolshatyrynyń» astynda turǵan, qorǵanys pen qaýipsizdik máseleleri sonshalyqty alańdatpaıtyn aýmaqtarda ornalasqan. «Al Qazaqstan óz qaýipsizdigi úshin kúni-túni kóz ilmeıtin strategııalyq aımaqta tur. Endeshe, bolashaqta bir jynystyǵa beıim erkekter el shekarasyn qalaı qorǵamaq? Qorǵanys jaǵy qalaı qamtamasyz etiledi? Demografııalyq ósimge olar qalaı úles qosady? Urpaqqa qandaı tárbıe bere alady? Osy saýaldarǵa tereńnen kóz júgirtken abzal. Búginge deıin batys elderinde usynylyp kelgen damýymyzǵa serpin beretin kóptegen demokratııalyq qundylyqtardy qabyldaǵanymyz anyq. Alaıda, batys elderi «ekonomıkalyq kórsetkishter», «ashyq qoǵam» atty uǵymdar arqyly basyp ozsa da, rýhanı jaǵynan úlken em-domdy qajet etetinin kórip otyrmyz. Rýhanı em bizdiń ulttyq bolmysymyzda, babalar murasynda jatyr. Sonymen qatar, qazir qabyldanyp jatqan zańdar azamattarymyzdyń tek áleýmettik jaǵyn arttyryp, olardyń baı-qýatty qoǵamda ómir súrý talaptaryna ǵana emes, olardy rýhanı keselderden qorǵaý arnalaryna da baǵyttalýy shart dep bilemiz», - dedi B. Smaǵul.
