Qazaqstanda Golovkın - «Kanelo» jekpe-jegin qaı arna kórsetedi

ASTANA. QazAqparat - Qazaqstandyq boksshy Gennadıı Golovkın (37-0, 33 KO) men meksıkalyq Saýl Alvares (49-1-1, 34 KO) arasyndaǵy jekpe-jekti Qazaqstanda tikeleı efır arqyly beretin arnalar belgili boldy, dep habarlaıdy QazAqparat.

Golovkın - Alvares arasyndaǵy boks keshin translıatsııaǵa quqyq alǵan Qazaqstan jáne QazSport (burynǵy «Qazaqstan» jáne KazSport) arnalary tikeleı efırde kórsetetin bolady.

Eske salaıyq, 16 qyrkúıekte Gennadıı Golovkın meksıkalyq boksshy Saýl Alvarespen judyryqtasady. Osy jekpe-jekte Alvares GGG-diń tek eki ataǵy - WBA men IBF belbeýleri úshin ǵana talasady. Golovkın utylyp qalsa, onyń taǵy eki belbeýi - WBC men IBO bos qalyp, ony basqa boksshylar ózara sarapqa salady.

Ýaqyt aıyrmashylyǵyna baılanysty Qazaqstanda jekpe-jektiń tikeleı kórsetilimi 17 qyrkúıekte tańerteń bolady.