Qazaqstanda Gollıvýd, Nıý-Iork kıno akademııasy syndy álemdik ortalyqtarmen birlesip, kıno mektebin ashýymyz qajet - A.Muhamedıuly
ASTANA. QazAqparat - Qazaqstanda Gollıvýd, Nıý-Iork kıno akademııasy syndy álemdik ortalyqtarmen birlesip, kıno mektebin ashýymyz qajet.
Bul týraly búgin «KTK» telearnasynyń «Halyq qyzmetshisi» baǵdarlamasyna suhbat bergen QR Mádenıet jáne sport mınıstri Arystanbek Muhamedıuly málim etti.
«Qazirgi ýaqytta bizde kıno salasynda naqty qadamdar jasaýymyzdy talap etetin josparlar bar. Biz keshendi jumystar júrgizýge tıispiz. Gollıvýd, Nıý-Iork kıno akademııasy syndy álemdik ortalyqtarmen birlesip, kıno mektebin ashýymyz qajet», - dep atap ótti mınıstr.
Sonymen qatar ol jyl saıyn biren-saran qazaqstandyq sheteldik jetekshi kıno ortalyqtarynda bilimderin jetildirip, bilikterin arttyryp qaıtatyndyǵyn eske salyp ótti.
«Ekinshiden, árıne, bizde kıno týraly jeke zań bolýy tıis. Onda aldyn ala tólem qalaı júrgiziledi, avtorlyq quqyq qalaı qorǵalady degen syndy máseleler naqty jazylýy kerek. Eń bastysy, qarjyǵa kim jaýapty bolatyndyǵy aıqyn kórsetilýi qajet. Bizder basqa deńgeıge kóterilýge tıispiz», - dedi A.Muhamedıuly.
Mınıstr suhbat barysynda kıno túsirilimine memleket tarabynan bólingen qarjyǵa baqylaýdyń tómen bolyp otyrǵandyǵyna toqtala kele, endigi ýaqytta qadaǵalaýdyń kúsheıtiletindigin basa atap ótti.
