Qazaqstanda ǵylymı zertteýge jumsalatyn shyǵyn birden 41% ósti

ASTANA. KAZINFORM - Ǵylymı-zertteý shyǵyndary bir jylda 41,9% ósken. Bul jaıynda ulttyq statbıýro habarlady. 

Ǵylymı-zertteý jáne tájirıbelik-konstrýktorlyq jumysqa jumsalǵan shyǵyn 2023 jyly 41,9% ósip, 172,5 mlrd teńgeni qurady.

Bir jyl buryn onyń kólemi 121,1 mlrd teńge bolǵan.

2023 jyly ǴZTKJ jumsalǵan shyǵyndardyń basym bóligi Almaty (77,2 mlrd teńge) jáne Astana (36,6 mlrd teńge) qalalarynda tirkelgen.

Sondaı-aq aıtarlyqtaı kórsetkish Mańǵystaý (13,5 mlrd teńge), Shyǵys Qazaqstan (8,2 mlrd teńge) jáne Qaraǵandy (7,8 mlrd teńge) oblystarynda baıqalǵan.

Ǵylym salalary bólinisinde eń kóp ishki shyǵyn ınjenerlik ázirlemeler men tehnologııalarǵa — 59,4 mlrd teńge, jaratylystaný ǵylymdaryna — 58,8 mlrd teńge jáne aýyl sharýashylyǵy ǵylymdaryna — 20,1 mlrd teńge jumsalǵan.

Ǵylymı dárejesi boıynsha zertteý júrgizetin qyzmetkerler sany 2023 jyly 25,4 myń boldy — 2022 jylmen salystyrǵanda bul 13,4% artyq.

Onyń 55% — áıelder.