Qazaqstanda ǵylymı-zertteý jumystaryna jumsalǵan shyǵyndar 19% ósti
ASTANA. KAZINFORM - Ǵylymı-zertteý jáne tájirıbelik-konstrýktorlyq jumystarǵa (ǴZTKJ) jumsalǵan shyǵyndar 19% ósip, 2025 jyly 261,4 mlrd teńgeni qurady. Bir jyl buryn ǴZTKJ shyǵyndarynyń kólemi 219,6 mlrd teńge bolǵan, dep habarlaıdy Ulttyq statıstıka bıýrosy.
2025 jyly ǴZTK jumystaryna jumsalǵan shyǵyndardyń basym bóligi Almaty (113,2 mlrd teńge) jáne Astana qalasynda (51,4 mlrd teńge) tirkeldi. Sondaı-aq aıtarlyqtaı kórsetkish Mańǵystaý (17,1 mlrd teńge), Qaraǵandy (13,2 mlrd teńge) jáne Shyǵys Qazaqstan oblystarynda (12,1 mlrd teńge) baıqaldy.
Ǵylym salalary bólinisinde ǴZTKJ-ǵa jumsalǵan ishki shyǵyndardyń eń joǵary úlesi ınjenerlik ázirlemeler men tehnologııalarǵa tıesili boldy – 86,3 mlrd teńge, jaratylystaný ǵylymdaryna – 85,2 mlrd teńge jáne aýyl sharýashylyǵy ǵylymdaryna – 30,9 mlrd teńge.
2025 jyly ǴZTK jumystaryn júrgizgen qyzmetkerler sany ǵylymı dárejeleri boıynsha 28,3 myń adamdy qurap, 2024 jylmen salystyrǵanda 4,5%-ǵa artqan. Olardyń 55,4% – áıelder.
2025 jyly ǴZTK jumystaryn 434 kásiporyn júrgizgen.
Aıta keteıik, bıyl qazaq sý sharýashylyǵy ǵylymı-zertteý ınstıtýty tórt granttyq jobany iske asyryp jatyr.
