Qazaqstanda ǵylymı maqsattar úshin sırek kezdesetin balyqtar men Kaspıı ıtbalyǵyn alý josparlanýda

ASTANA. KAZINFORM - Qazaqstan Respýblıkasynyń Aýyl sharýashylyǵy mınıstrligi sırek kezdesetin jáne joıylyp ketý qaýpi tóngen balyq túrleri men basqa da sý janýarlarynyń shekteýli sanyn alýdy kózdeıtin Úkimet qaýlysynyń jobasyn ázirledi.

итбалық
Фото: ҚР Ауыл шаруашылығы министрлігі

Mınıstriktiń baspasóz qyzmetiniń habarlaýynsha, jobaǵa sáıkes kaspıı ıtbalyǵy, aral pilmaıy, aral qaıazy, sylan jáne kaspıı albyrtyn alý jatady. Bul shara ǵylymı zertteýler júrgizýge jáne ósimin molaıtý is-sharalaryna baǵyttalǵan.

Qaýly jobasy ǵylymı usynystardy eskere otyryp ázirlendi. Mınıstrlik balyqtardy alý qatań shekteýli mólsherde jáne ýákiletti organnyń baqylaýymen júzege asyrylatynyn atap kórsetedi.

Qabyldanǵan sharalar osy túrlerdiń taralymdarynyń jaı-kúıin zertteýge jáne olardy saqtaý men qalpyna keltirý baǵdarlamalaryn ázirleýge kómektesedi dep boljanýda.

Osyǵan deıin ońtústikte Qyzyl kitapqa engen janýarlar transheıaǵa túsip ólip jatqany týraly jazdyq.

 

Сейчас читают