Qazaqstanda ǵylymı qalashyqtar men tehnoparkterdi damytý jospary ázirlendi
ASTANA. KAZINFORM — Premer-mınıstrdiń orynbasary — ulttyq ekonomıka mınıstri Serik Jumanǵarınniń tóraǵalyǵymen ótkizilgen keńeste 2025-2035 jyldarǵa arnalǵan Ǵylym qalalaryn qurý jáne damytý tujyrymdamasy usynyldy. Bul týraly Úkimettiń baspasóz qyzmeti málim etti.
— Qujat ǵylym qalalaryn damytýdyń negizgi baǵytyn anyqtap, qalyptastyrý modelderin, ınstıtýtsıonaldyq damý sharalaryn, ǵylym men bıznesti ıntegratsııalaý tetikterin, sondaı-aq resýrstyq bazany qalyptastyrý tásilderin qamtıdy, — delingen habarlamada.
Tujyrymdama ǵylym qalashyǵyn qurýdy kózdedi jáne onyń qurylymyna tehnoparkter, ınjınırıngtik ortalyqtar, konstrýktorlyq bıýrolar, robottandyrý ortalyqtary, sondaı-aq zerthanalar men R& D-alańdar kiredi.
— Ǵylymı qala mártebesin alýǵa qabiletti aýmaqtardy anyqtaý úshin óńirlerdiń ǵylymı-tehnıkalyq jáne áleýmettik-ekonomıkalyq áleýetine keshendi taldaý júrgizý josparlanýda. Ǵylymdy qurýmen jáne damytýmen mamandandyrylǵan organ-Basqarýshy kompanııa aınalysady, — dep jazdy Úkimetten.
Ǵylym qalalaryn qurýdy resýrstyq qamtamasyz etý kásipkerlik sektordyń jeke ınvestıtsııalary, MJÁ tetikteri jáne ekinshi deńgeıdegi bankterdiń qarajaty esebinen boljanady. Qarjylandyrý ınfraqurylymdy, joǵary oqý oryndarynyń kampýstaryn, zerthanalar men ǵylymı qalalar ortalyqtaryn qurýǵa baǵyttalady. Halyqaralyq qarjy ınstıtýttaryn tartý múmkindigi qarastyrylmaq.
Bilim, ǵylym jáne bıznestiń ıntegratsııasyn kúsheıtý úshin kásiporyndardyń qatysýymen ǵylymı-ınnovatsııalyq sessııalar ótkizý, mamandandyrylǵan ınjınırıngtik ortalyqtardy, konstrýktorlyq bıýrolardy, robottandyrý ortalyqtaryn damytý, ǵylymı-tehnologııalyq tehnoparkter men tehnologııalar transferi ortalyqtaryn qurý usynylady.
Tusaýkeser qorytyndysynda vıtse-premer Serik Jumanǵarın Ǵylym jáne joǵary bilim mınıstrligine Tujyrymdamanyń barlyq baǵyty boıynsha nysanaly ındıkatorlardy egjeı-tegjeıli pysyqtaýdy jáne olardy qaıta qaraýǵa usynýdy tapsyrdy.
Buǵan deıin habarlanǵandaı, áleýmettik mańyzy bar ónimder qataryna qosylýy múmkin jańa taýarlar anyqtaldy.